الماتىدا ءورت ءسوندىرۋ قۇرالىمەن جۇرتتى شوشىتقان بلوگەر قاماۋعا الىندى - ۆيدەو
ءبىر توپ جىگىت بۇعان دەيىن الماتى مەتروسىندا پرانك تۇسىرگەنى ءۇشىن جازاعا تارتىلعان بولاتىن. ءتارتىپتى قايتا بۇزعان تيكتوكەرلەر بۇل جولى اكىمشىلىك جازامەن قاماۋعا الىندى.
«1999 -جىلى تۋعان ك. س. ءالياقباروۆ، 2002 -جىلى تۋعان ا. س. ارميانوۆ جانە وپەراتوردىڭ (قازىرگى ۋاقىتتا جەكە باسى انىقتالىپ جاتىر) ءىس- ارەكەتتەرى ق ر ا ق ب ك-نىڭ 434 -بابى - ۇساق بۇزاقىلىق بويىنشا كۆاليفيكاتسيالاندى. ارميانوۆ الدىندا مەترودا اۋەندىك كولوننامەن جاسالعان پرانكتەرگە قاتىسقان جانە وسىعان دەيىن ق ر ا ق ب ك-نىڭ 434-بابى بويىنشا اكىمشىلىك جاۋاپكەرشىلىككە تارتىلعان. بۇل ارەكەتتەر ايىپپۇلدى نەمەسە اكىمشىلىك قاماۋعا الۋدى كوزدەيدى. جيناقتالعان اكىمشىلىك ءىس جۇرگىزۋ ماتەريالى شەشىم قابىلداۋ ءۇشىن سوتقا جولداندى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدىراحمانوۆ.
پوليتسيا وكىلىنىڭ ايتۋىنشا، مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ك. س. ءالياقباروۆ (بەينەتاسپادا قولىندا ءورت سوندىرگىشى بار) اكىمشىلىك قاماۋعا الۋ تۇرىندەگى جاۋاپكەرشىلىككە تارتىلدى. ا. س. ارميانوۆقا جانە وپەراتورعا قاتىستى تەكسەرۋ جالعاسۋدا.
ايتا كەتەيىك، ولار وسىعان دەيىن الماتى مەتروسىندا ۇلكەن كولونكامەن مۋزىكا داۋىسىن قاتتى قويىپ، پرانك جاساعانى ءۇشىن جاۋاپقا تارتىلعان بولاتىن.
اۆتور: الما مۇقانوۆا