قازاقستان امەريكالىق كومپانيانى سوتتا جەڭدى

None
None
نۇر-سۇلتان. قازاقپارات - قازاقستان رەسپۋبليكاسى «Big Sky Energy Corporation» امەريكالىق كومپانياسى باستاعان تورەلىك پروتسەستى جەڭدى.

بۇل تۋرالى قازاقپارات ادىلەت مينيسترلىگىنە سىلتەمە جاساپ حابارلايدى.

2021 -جىلعى 24-قاراشادا ينۆەستيتسيالىق داۋلاردى رەتتەۋ بويىنشا حالىقارالىق ورتالىعى (ي د ر ح و) جانىنداعى تورەلىك تريبۋنال «Big Sky Energy Corporation» امەريكاندىق كومپانياسىنىڭ باستاماسىمەن بولعان قازاقستان رەسپۋبليكاسىنا قارسى تورەلىك ءىس بويىنشا قازاقستان رەسپۋبليكاسىنىڭ پايداسىنا شەشىم شىعاردى.

تالاپ ارىزدىڭ سوماسى 460,1 ميلليون ا ق ش دوللارىن قۇرادى. قازاقستان رەسپۋبليكاسى تريبۋنالدى قازاقستان مەن ا ق ش اراسىنداعى ەكىجاقتى ينۆەستيتسيالىق كەلىسىمنىڭ بۇزىلماعانىنا سەندىردى.

تالاپكەردىڭ تالاپتارى تولىعىمەن قابىلدانبادى. تريبۋنال تالاپكەردى رەسپۋبليكاعا تورەلىك شىعىندارى تولەۋدى مىندەتتەدى. تورەلىك تالاپ ارىزدى «Big Sky Energy Corporation» امەريكاندىق كومپانياسى 2017 -جىلعى شىلدە ايىندا ي د ر ح و ەرەجەلەرىنە سايكەس باستاعاندىعىن اتاپ وتەمىز. تىڭداۋلار 2021 -جىلعى 4-12-قاڭتار ارالىعىندا ونلاين فورماتتا ءوتتى. تالاپكەردىڭ نەگىزگى شاعىمدارى، اتىراۋ وبلىسىنداعى مۇناي كەن ورىندارىندا جەر قويناۋىن پايدالانۋ قۇقىعى بار «قوجان» ج ش س كومپانياسىنداعى قاتىسۋ ۇلەسىن ەكسپروپرياتسيالاۋعا الىپ كەلگەن، مەملەكەتتىك ورگانداردىڭ، تالاپكەردىڭ ايتۋىنشا، زاڭسىز ءىس- ارەكەتتەرى بولىپ تابىلادى.

اتالعان ءىس بويىنشا قازاقستان رەسپۋبليكاسىنىڭ مۇددەسىن ق ر ادىلەت مينيسترلىگى «Reed Smith LLP» زاڭ فيرماسىمەن بىرلەسىپ بىلدىرەدى.

سوڭعى جاڭالىقتار