جانىبەك ءالىمحان ۇلى چەمپيوندىق ايقاسى جانە جوسپارى تۋرالى ايتتى
ءالىمحان ۇلى مەن نجيكامنىڭ جەكپە-جەگى 21-قاراشا كۇنى لاس- ۆەگاستا ءوتتى. قازاقستاندىق بوكسشى تەحنيكالىق نوكاۋتپەن سەگىزىنشى راۋندتا جەڭىسكە جەتتى. وسى ايقاستان كەيىن بوكسشىنىڭ مەنەدجەرى ەگيس كليماس WBO-دان ج. ءالىمحان ۇلىن ورتا سالماقتاعى WBO الەم چەمپيونى تيتۋتىلىنا مىندەتتى ۇمىتكەر ەتۋىن سۇرادى. بۇل تيتۋل قازىرگى كەزدە امەريكالىق دەمەتريۋس اندرادەگە تيەسىلى.
«قۇرمەتتى جانكۇيەرلەر! اللاعا شۇكىر، ءبىر كەزەڭدى ارتتا قالدىردىق. بيىل ءبىز ەكى ەكس- چەمپيوندى جەڭدىك. الدىمىزدا چەمپيوندىق ايقاس. ءبىزدىڭ كەز كەلگەن چەمپيونعا قارسى شىعۋعا دايىن ەكەنىمىزدى بىلەسىزدەر. سىزدەر سياقتى ءبىز دە جاڭالىق كۇتەمىز. الەۋمەتتىك جەلىلەردەگى بەلسەندىلىكتى ازايتامىز. قولداۋلارىڭىز ءۇشىن كوپ راقمەت»، - دەپ جازدى Instagram-دا جانىبەكتىڭ كومانداسى.
ايتا كەتەيىك، ج. ءالىمحان ۇلى حاسسان ندام نجيكامدى جەڭگەننەن كەيىن ترانسۇلتتىق بوكس رەيتينگى كەڭەسىنىڭ (TBRB) تۇجىرىمى بويىنشا ورتا سالماقتاعى ەڭ ۇزدىك بوكسشىلار تىزىمىندە پوزيتسياسىن جاقسارتتى.
اۆتور: ءبيبىحان سەرىكوۆا