قازگيدرومەت تولاسسىز جاۋىپ تۇرعان قاردىڭ قاشان توقتايىنىنا بولجام جاسادى

نۇر-سۇلتان. قازاقپارات - ەلوردادا تاۋلىك ىشىندە جاۋىن- شاشىننىڭ ءبىر ايلىق نورماسى ءتۇستى. بۇل تۋرالى قازاقپارات قازگيدرومەتكە سىلتەمە جاساپ حابارلايدى.

«ەلوردادا قاراشانىڭ 24 نەن باستاپ جاۋعان قار تولاسسىز ءالى جاۋىپ تۇر. وسى ارالىقتا 25 م م جاۋىن- شاشىن ءتۇستى. قاردىڭ بيىكتىگى 28 س م قۇرادى. جالپى ەلوردادا قاراشا ايىندا جاۋىن- شاشىن نورماسى - 28 م م مولشەرىن قامتىدى. سولايشا، ءبىر كۇندە ەلىمىزدىڭ باس قالاسىنا ايلىق جاۋىن- شاشىن ءتۇستى - قاردىڭ جاۋۋى، ءالى دە جالعاساتىن بولادى. گيدرومەتورتالىقتىڭ بولجامى بويىنشا جاۋىن- شاشىن ساعات 16.00-دە توقتايدى»، - دەلىنگەن حابارلامادا.

جالپى، 1- 25-قاراشا ارالىعىندا ەلورداعا 45.1 م م جاۋىن-شاشىن ءتۇستى. بۇل نورمانىڭ ەكى ەسە اسىپ كەتۋىن كورسەتەدى.

ەسكە سالساق، ەلوردادا قالىڭ قار جاۋۋىنا بايلانىستى اۆتوبۋستار ۋاقىتىنان كەشىگىپ، قالا كوشەلەرىندە كولىك كەپتەلىسى بايقالدى. سونداي-اق بۇگىن استانادا ەكىنشى اۋىسىمداعى 0-7-سىنىپتار مەكتەپكە بارمايدى.