مەملەكەت باسشىسى شىعىس قازاقستان وبلىسىنىڭ اكىمىن قابىلدادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ شىعىس قازاقستان وبلىسىنىڭ اكىمى دانيال احمەتوۆتى قابىلدادى، دەپ حابارلايدى اقوردا.

قاسىم-جومارت توقايەۆقا ءوڭىردىڭ بيىلعى ون اي ىشىندەگى الەۋمەتتىك- ەكونوميكالىق دامۋى جونىندە ەسەپ بەرىلدى.

وبلىس اكىمىنىڭ ايتۋىنشا، حالىققا ۆاكسينا سالۋ جۇمىستارى قارقىندى جۇرگىزىلىپ جاتىر. اتاپ ايتقاندا، ۆاكتسينا الۋعا ءتيىستى تۇرعىنداردىڭ 100 پايىزى ەكپەنىڭ ءبىرىنشى كومپونەنتىن العان، ال ەكىنشى كومپونەنتىن 7 جەلتوقسانعا دەيىن سالۋ جوسپارلانعان.

كەزدەسۋ بارىسىندا وبلىستىڭ اۋىل شارۋاشىلىعى سالاسىن دامىتۋ ماسەلەلەرى تالقىلاندى. دانيال احمەتوۆتىڭ مالىمەتى بويىنشا 2022 -جىلعا قاراي اۋىل شارۋاشىلىعى ونىمدەرىنىڭ ەكسپورتىن 4 ەسە ارتتىرۋ كوزدەلگەن.

پرەزيدەنتكە جاقىندا اشىلعان «ءۇلبى- ت ۆ س» زاۋىتىنىڭ جۇمىسى تۋرالى باياندالدى. كاسىپورىندا جىلۋ ەنەرگياسىن الۋعا ارنالعان ينجەنەرلىك قۇرىلىمدار شىعارىلادى جانە 140 جاڭا جۇمىس ورنى اشىلادى. زاۋىتتا جىلىنا 200 توننا ۋران وتىنى وندىرىلەدى. مەملەكەت باسشىسى وبلىس اكىمىنە جىلىتۋ ماۋسىمى كەزىندە قازاندىقتاردىڭ ۇزدىكسىز جۇمىس ىستەۋىن قاداعالاۋ، تۇرعىنداردى كومىرمەن قامتاماسىز ەتۋ، سونداي- اق اۋىل شارۋاشىلىعى ونىمدەرىنىڭ ەكسپورتىن ارتتىرۋ جۇمىستارىن جالعاستىرۋ جونىندە تاپسىرما بەردى.