الماتىدا تومەن باعاداعى الەۋمەتتىك ەت دۇكەندەرى اشىلدى

الماتى. قازاقپارات - الماتىدا الەۋمەتتىك ەت دۇكەندەرى اشىلدى، دەپ حابارلايدى قازاقپارات ءتىلشىسى.

الماتىنىڭ كاسىپكەرلىك جانە ينۆەستيسيالار باسقارماسىنىڭ مالىمەتىنشە، ەكى بازاردا ەت دۇكەنى اشىلدى. اكىمدىك الەۋمەتتىك ماڭىزى بار ازىق- تۇلىك تاۋارلارىنىڭ بارلىق 19 اتاۋىنا، ونىڭ ىشىندە سيىر ەتىنە باعانى تۇراقتاندىرۋ بويىنشا ءبىرقاتار كەشەندى جانە جەدەل شارالار قابىلداۋدا.

«كوكونىس الەۋمەتتىك دۇكەندەرىنىڭ ۇلگىسى بويىنشا «جۇلدىز» (كوتەرمە ساۋدا) جانە «وربيتا» بازارىنداعى «ەت دۇكەندەرى» ىسكە قوسىلدى، وندا سيىر ەتى 2050 تەڭگەدەن ساتىلا باستادى، بۇل ورتاشا نارىقتىق باعادان %15 عا تومەن. قامتۋدى ۇلعايتۋ ءۇشىن «تۇركسىب جارمەڭكەسى» جانە «ارىستان» بازارلارىندا ۇقساس دۇكەندەر اشۋ جوسپارلانعان»، - دەپ حابارلادى باسقارمادان.

ايتا كەتەيىك، الماتىدا 27-قاراشا كۇنى «استانا» ورتالىق الاڭىندا اۋىلشارۋاشىلىق ونىمدەرىنىڭ جارمەڭكەسى وتەدى.

اۆتور: الما مۇقانوۆا