+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ەلوردا قار قۇرساۋىندا: اۆتوبۋس، ۇشاقتار كەشىگىپ، جولدا كەپتەلىس تۋىندادى - فوتو

25 قاراشا 11:55
:ءبولىسۋ
ەلوردا قار قۇرساۋىندا: اۆتوبۋس، ۇشاقتار كەشىگىپ، جولدا كەپتەلىس تۋىندادى - فوتو

نۇر-سۇلتان. قازاقپارات - ەلوردادا قالىڭ قار جاۋۋىنا بايلانىستى اۆتوبۋستار ۋاقىتىنان كەشىگىپ، قالا كوشەلەرىندە كولىك كەپتەلىسى بايقالادى، دەپ حابارلايدى قازاقپارات ءتىلشىسى.

CTS كومپانياسى دا اۋا رايىنىڭ قولايسىزدىعىنا بايلانىستى (قار جاۋۋ، كوكتايعاق) كولىك لەگى مەن قوعامدىق كولىك قوزعالىسىنىڭ جىلدامدىعى تومەندەگەنىن، اۆتوبۋستاردىڭ كىدىرىسى بايقالاتىندىعىن اتاپ وتەدى.

اسىرەسە، قوعامدىق كولىككە ارنالعان ارناۋلى جولاعى جوق جول ۋچاسكەلەرىندە اۆتوبۋستاردىڭ قاتىناۋ ارالىعى الشاقتاپ كەتكەن.

«CTS جول جۇرىسىنە قاتىسۋشىلاردىڭ بارلىعىن ساق بولۋعا جانە باعداردى الدىن الا جوسپارلاۋعا شاقىرادى. بارلىق جۇرگىزۋشىلەردەن جولداردا بارىنشا مۇقيات بولۋدى، قاۋىپسىز قاشىقتىقتى ساقتاۋدى، جىلدامدىق رەجيمىن تاڭداۋدى، تەجەگىشتى كۇرت باسىپ قالۋدان ساق بولۋدى سۇرايمىز»، - دەلىنگەن كومپانيانىڭ Facebook-پاراقشاسىندا جاريالانعان اقپاراتتا.

ال نۇر-سۇلتان اكىمدىگى كوممۋنالدىق قىزمەتتەر قالانى قاردان تازارتۋ جۇمىستارىن تاۋلىك بويى ەكى اۋىسىمدا جۇرگىزىپ جاتقانىن ايتۋدا. قالا اكىمدىگىنىڭ مالىمەتىنشە، بۇگىن قار كۇرەۋگە 1300 ارناۋلى تەحنيكا مەن 1900 جۇمىسشى جۇمىلدىرىلعان. بۇعان دەيىن پوليتسيا دەپارتامەنتى دە كولىك جۇرگىزۋشىلەرىن جولدا اسا مۇقيات بولۋدى ەسكەرتكەن بولاتىن. استانا اۋەجايىندا ۇشىپ- قونۋ جولاعىن قار باسىپ قالۋدان 21 رەيس كەشىكتىرىلدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات