تۇركيا حالقى ۇكىمەتتىڭ وتستاۆكاسىن تالاپ ەتتى

نۇر-سۇلتان.قازاقپارات - تۇرىكتەر ۇكىمەتتىڭ وتستاۆكا كەتۋىن تالاپ ەتىپ، كوشەگە شىقتى. وكپەلى جۇرت اقشا ورتەپ، پوليسيامەن جاعالاستى.

ءبىراق ولاردىڭ بۇل ارەكەتى ۇزاققا سوزىلعان جوق. ءتارتىپ ساقشىلارى امالىن تاۋىپ، ەلدى تارقاتتى. ال جۇرت ۇلتتىق ۆاليۋتا - ليرانىڭ قۇنسىزدانۋىنا نارازى. كەشە 1 دوللاردىڭ قۇنى 13,40 ليرادان اسىپ، جىل باسىنان بەرى ەڭ جوعارعى كورسەتكىشكە جەتتى. ال بۇگىن انادولىدا دوللار تۇرىكتىڭ ءتول اقشاسىنا شاققاندا 13,05 ليرا. تۇركيانىڭ ۇلتتىق ۆاليۋتاسى ا ق ش دوللارىنا شاققانداعى باعامى بىرنەشە كۇننەن بەرى قۇنسىزدانىپ كەلەدى. تەك عانا وسى جىلدىڭ باسىنان بەرى تۇرىك ليراسى %70 قۇلدىراعان.

قاڭتاردا دوللاردىڭ قۇنى 7,3 ليرا بولسا، قازىر 13-تەن بوي بەرمەي تۇر. ال ەۋروپالىق وداقتىڭ نەگىزگى ۆاليۋتاسىنىڭ جاڭا رەكوردتىق قۇنى 14 ليرادان استى. ساراپشىلاردىڭ پىكىرىنشە، بۇعان ينفلياتسياعا قاراماستان ورتالىق بانكىنىڭ نەگىزگى پايىزدىق مولشەرىنىڭ كوتەرمەۋى مەن اق ءۇي باسشىسىنىڭ ا ق ش فەدەرالدى رەزەرۆتىك جۇيەسىنىڭ ءتوراعاسى دجەروم پاۋەللدى ەكىنشى مەرزىمگە ۇسىنۋى سەبەپ. ويتكەنى، دجو بايدەننىڭ بۇل شەشىمى ينۆەستورلاردىڭ ا ق ش پايىزدىڭ مولشەرلەمەسىنىڭ (تۇسىنىكسىز وسى تۇسى) كوتەرىلەتىنىنە سەنىمىن ارتتىرىپ وتىرعان ۇقسايدى. ال، تۇركيا پرەزيدەنتى ەردوعان، پايىزدىق مولشەرلەمەلەردى «حالىق ءۇشىن ۇلكەن قيىندىق» دەپ، تومەندەتۋدى بەلسەندى تۇردە جالعاستىرىپ وتىر.

رەدجەپ تاييپ ەردوعان، تۇركيا پرەزيدەنتى - ۆاليۋتا باعامى، پايىزدىق مولشەرلەمە، باعا ءوسىمى ارقىلى ەلىمىزدى تىزە بۇكتىرگىسى كەلەتىندەردى كورىپ وتىرمىز. ءبىز، ءوزىمىزدىڭ «ويىنداعى جوسپارىمىزدى» جالعاستىرامىز. اللانىڭ جانە حالقىمنىڭ قولداۋىمەن وسىناۋ ەكونوميكالىق تاۋەلسىزدىك سوعىسىنان جەڭىسپەن شىعامىز.

ەلدەگى دوللار باعامىنداعى وزگەرىستەرگە بايلانىستى جىلجىمايتىن مۇلىك، كولىك پەن كەيبىر دۇكەندەر ساۋداسىن توقتاتتى. وسى كەزەڭدە 9 مىڭعا جۋىق اۆتوموبيل ساتۋ حابارلاماسىن (كىم توقتاتتى؟ ) توقتاتقان. ال، Apple كومپانياسى ءبىرقاتار تاۋارىن ونلاين ساتۋعا ۋاقىتشا شەكتەۋ قويعان. ال، ەلدىڭ شىعىسىندا ورنالاسقان ديارباكىر قالاسىنداعى كاسىپكەرلەر، ليرانىڭ بىرنەشە كۇندە %15 قۇنسىزدانۋىنا قارسىلىق ءبىلدىرىپ، سيمۆولدىق تۇردە اقشا ورتەدى.

بليتس

- جاعدايىمىز بارعان سايىن ناشارلاپ وتىر. ءبىز دە بۇل جاعدايعا قارسى، «جەتەدى» دەۋ ءۇشىن باس قوستىق. ءتۇنى بويى، قارىزدارىمىزدى قالاي تولەيمىز دەپ، تاۋاردى ساتىپ الا المايمىز، قولىمىزداعىنى قالاي ساتامىز دەپ ۇيقىسىز شىعامىز.

- ۇيگە نان اپارا الامىن با دەگەن سۇراق مازالايدى. بولاشاعىمىز قالاي بولادى. قيىن.. .

- ءبارىمىز كۇتىپ وتىرمىز. قالاي بولادى. نە بولادى دەپ. ءتورت بالام بار.

ازىق- تۇلىك، كوممۋنالدىق قىزمەت پەن ءۇي جالداۋ اقىسى ءوستى. ەلدەگى ەكونوميكالىق جاعدايعا بايلانىستى، وپپوزيتسيالىق توپتار مەرزىمىنەن بۇرىن پرەزيدەنتتىك سايلاۋعا شاقىرىپ، ماسەلەنى تەك وسى جولمەن شەشۋگە بولادى دەپ وتىر. ال، ەردوعان مەرزىمىنەن بۇرىن سايلاۋ وتكىزۋ مۇمكىندىگىن جوققا شىعارىپ، ولاردىڭ 2023 -جىلى - بەلگىلەنگەن مەرزىمدە وتەتىنىن ايتتى.

بۇدان بولەك، انكارا مەن ىستامبۇلدا ليرانىڭ قۇنسىزدانۋىنا بايلانىستى نارازىلىق اكسياسى ءوتىپ، جينالعان جۇرتشىلىق ۇكىمەتتىڭ وستاۆكاعا كەتۋىن تالاپ ەتتى. دەگەنمەن، قاۋىپسىزدىك ساقشىلارى قىسقا ۋاقىتتا جينالعان جۇرتتى تارقاتىپ جىبەردى.

ۇكىمەت نارىقتاعى وزگەرىستىڭ جاساندى تۇردە جاسالىپ وتىرعانىن ايتىپ، قىسقا ۋاقىتتا ماسەلەنىڭ شەشىلدى دەپ سەندىرەدى. قازىر ەلدە بىرىككەن اراب امىرلىكتەرىنىڭ حانزاداسى رەسمي ساپارمەن ءجۇر. ەكى ەل اراسىندا تىكەلەي ينۆەستيتسيانى قامتيتىن ءبىرقاتار كەلىسىمدەر جاسالماق. ناقتىراق ايتساق، ىستامبۇل بيرجاسى مەن ءال- اۋقات قورىنان بولەك، ءىرى قۇرىلىس جانە ءدارى- دارمەك كومپانيالارىنا ءىرى كولەمدە ينۆەستيتسيا قۇيىلماق. اتالمىش حابار جەرگىلىكتى باسىلىمداردا جاريالانۋىمەن، كەشە عانا %15 قۇنىڭ جوعالتقان ليرا، دوللارعا شاققاندا 11,60 قۇراپ، %9 قىمباتتادى.

www.24.kz