كوكتايعاق، بوران، كۇشتى جەل - بەيسەنبىگە ارنالعان اۋا رايى
25-قاراشادا اتموسفەرالىق اعىنداردىڭ اسەرىنەن ەلىمىزدىڭ باسىم بولىگىندە اۋا رايى قۇبىلمالى بولىپ، جاۋىن- شاشىن تۇسەدى، كۇندىز ەلدىڭ وڭتۇستىك- شىعىسىنداعى تاۋلى اۋماقتاردا جانە شىعىسىندا جاڭبىر، قار جاۋادى. تەك رەسپۋبليكانىڭ باتىسىندا انتيتسيكلون اسەرىنەن كۇن رايى اشىق بولۋى مۇمكىن.
ەلىمىزدىڭ باسىم بولىگىندە كوكتايعاق بولادى، بوران سوعادى، جەل كۇشەيۋى ىقتيمال. ەلىمىزدىڭ باتىس جانە ورتالىق بولىگىندە تۇمان ءتۇسۋى مۇمكىن. كۇندىز تۇركىستان وبلىسىنىڭ سولتۇستىگىندە، باتىسىندا شاڭدى داۋىل سوعۋى ىقتيمال، تۇندە تاۋلى اۋدانداردا جەل كۇشەيىپ جىلدامدىعى 15-20 م/س، كۇندىز - 15-20 م/س بولادى، تاۋلى اۋدانداردا ەكپىنى 23-28 م/س جەتەدى.
شىعىس قازاقستان وبلىسىنىڭ سولتۇستىك جارتىسىندا جاياۋ بوران سوعادى، جولداردا كوكتايعاق بولادى، وبلىستىڭ سولتۇستىگىندە، باتىسىندا جەل كۇشەيىپ، 15-20 م/س، ەكپىنى 25 م/س جەتەدى.
قاراعاندى وبلىسىنىڭ سولتۇستىگىندە، باتىسىندا، شىعىسىندا جاياۋ بوران سوعادى، كوكتايعاق بولادى، وبلىستىڭ وڭتۇستىگىندە تۇمان تۇسەدى، شىعىسىندا، ورتالىعىندا جەل جىلدامدىعى 15-20 م/س جەتەدى، ەكپىنى 23 م/س بولماق.
جامبىل وبلىسىنىڭ سولتۇستىك- شىعىسىندا، وڭتۇستىك- باتىسىندا جانە تاۋلى اۋداندارىندا جەلدىڭ جىلدامدىعى 15-20 م/س بولادى، كۇندىز ەكپىنى 23-28 م/س جەتەدى. پ
اۆلودار وبلىسىنىڭ سولتۇستىگىندە، شىعىسىندا جاياۋ بوران سوعادى، كوكتايعاق بولادى، وبلىستىڭ وڭتۇستىگىندە، شىعىسىندا جەل كۇشەيىپ، جىلدامدىعى 15-20 م/س جەتەدى.
قىزىلوردا وبلىسىنىڭ سولتۇستىگىندە، ورتالىعىندا، تۇندە ماڭعىستاۋدىڭ باتىسىندا، كۇندىز اقمولا وبلىسىنىڭ شىعىسىندا، الماتى وبلىسىنىڭ سولتۇستىگىندە، سولتۇستىك- باتىسىندا، باتىس قازاقستان وبلىسىنىڭ سولتۇستىك- باتىسىندا جەل 15-20 م/س كۇشەيەدى.
اقمولا وبلىسىنىڭ وڭتۇستىك- شىعىسىندا جاياۋ بوران سوعادى، كوكتايعاق بولادى، ماڭعىستاۋ وبلىسىنىڭ سولتۇستىگىندە، سولتۇستىك - باتىسىندا كوكتايعاق بولادى، تۇمان تۇسەدى، قىزىلوردا وبلىسىنىڭ سولتۇستىگىندە كوكتايعاق بولۋى ىقتيمال.
قوستاناي وبلىسىنىڭ وڭتۇستىگىندە، شىعىسىندا تۇمان ءتۇسىپ، كوكتايعاق بولۋى مۇمكىن. اقتوبە وبلىسىنىڭ وڭتۇستىگىندە كوكتايعاق بولادى. اتىراۋ وبلىسىنىڭ باتىسىندا تۇمان ءتۇسۋى مۇمكىن.