+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

بالالاردىڭ قانداي اۋرۋعا ءجيى شالدىعاتىنىن بىلەسىز بە؟

25 قاراشا 08:03
:ءبولىسۋ
بالالاردىڭ قانداي اۋرۋعا ءجيى شالدىعاتىنىن بىلەسىز بە؟

نۇر-سۇلتان.قازاقپارات -«لوندون- الماتى» ساقتاندىرۋ كومپانياسىنىڭ ساراپشىلارى ەلىمىزدەگى 14 جاسقا دەيىنگى جاسوسپىرىمدەردىڭ كوبىنە قانداي سىرقاتپەن اۋىراتىنى بويىنشا زەرتتەۋ جۇرگىزدى.

ولاردىڭ انىقتاۋىنشا، ءبىر بالا ەكى ايدا كەمىندە ءبىر رەت دارىگەردىڭ كومەگىنە جۇگىنەدى ەكەن.

جاسوسپىرىمدەر اراسىندا ەڭ ءجيى كەزدەسەتىن سىرقات - تۇماۋ. ءبىر سوزبەن ايتقاندا - مۇرىن بىتەلىپ، دەمالۋدىڭ قيىنداۋى. مەديتسينالىق تىلمەن ايتساق، تىنىس الۋ ورگاندارىنىڭ اسقىنۋى. دارىگەرگە جۇگىنگەن بالالاردىڭ 42 پايىزدان استامى وسى دەرتكە شالدىققان.

جاسوپىرىمدەردى مازالايتىن ەكىنشى ماسەلە - اس قورىتۋ اۋرۋلارى. رەسمي دەرەكتەر بويىنشا، 2019 -جىلى 504764 بالا وسى ماسەلەمەن دارىگەردىڭ كومەگىنە جۇگىنگەن. بۇل كورسەتكىش 2018 -جىلمەن سالىستىرعاندا 3,4 پايىزعا وسكەن.

ساقتاندىرۋ كومپانياسىنىڭ دەرەگىنشە، سوڭعى كەزدە ءوت جولدارىنىڭ دۇرىس جۇمىس ىستەمەۋى بويىنشا قارالاتىندار كوبەيىپ كەتكەن. سونداي- اق حولەتسيستيت پەن گاستريت سىرقاتىنا دۋشار بولعاندار دا دارىگەرگە ءجيى قارالادى. 7-10 جاس ارالىعىنداعى بالالاردىڭ 5 پايىزىندا سالماق جەتىسپەۋشىلىگى بولسا، 15 پايىزى سەمىزدىككە شالدىققان. ال ولاردىڭ 14 پايىزىندا قان ازدىعى، كالتسي مەن فولي قىشقىلىنىڭ جەتىسپەۋشىلىگى بار.

جالپى، بالالار اراسىنداعى جۇيكە اۋرۋى، ياعني باستاعى قان اينالىمىنىڭ بۇزىلۋى، مي قاتپارلارىنداعى قان تامىرلارىنىڭ قىسىلۋى ءجيى كەزدەسەدى. 2019 -جىلى ءجۇز مىڭ بالانىڭ 6035 ءى وسىنىڭ سالدارىنان دارىگەردىڭ كومەگىنە جۇگىنگەن ەكەن.

بۇگىندە كوز اۋرۋىنا شالدىققان جاسوسپىرىمدەر كوبەيگەن. مىسالى، 2019 -جىلدىڭ وزىندە 264791 بالادا وسىنداي سىرقات انىقتالعان. ونىڭ ىشىندە ەڭ ءجيى قويىلاتىن دياگنوز - كوز ميوپياسى. سونىڭ كەسىرىنەن قازىر 7 جاسقا دەيىنگى بالالاردىڭ 5 پايىزى الىستان كورمەيدى. ەگەر بالا كۇتىنبەسە، اۋرۋى اسقىنا تۇسەدى. ماسەلەن، ميوپيانىڭ دامىماۋى ءۇشىن كوزگە شامادان ارتىق سالماق تۇسىرۋگە بولمايدى.

ءتىپتى، جۇمىس ۇستەلىنە دۇرىس جارىق تۇسپەۋى، ساباق وقىعاندا نەمەسە جازعاندا دۇرىس وتىرماۋى، تەلەديدار مەن كومپيۋتەردى ءجيى پايدالانۋى تاعى بار. سوندىقتان جاسوسپىرىمدەردىڭ كورۋ قابىلەتىنىڭ ناشارلاۋى كوبىنە 7 جاستان 12 جاسقا دەيىنگى ارالىقتا بايقالادى. ال 15-17 جاسىندا بۇل سىرقاتپەن بالالاردىڭ 37 پايىزى اۋىرادى. سوندىقتان كوزدىڭ كورۋى ناشارلاعان بويدا بىلگىر وفتالمولوگقا قارالىپ، كوزىلدىرىك نە لينزا كيۋ كەرەك.

«ومىردە دەنساۋلىقتان قىمبات دۇنيە جوعىن ۇمىتپاۋىمىز كەرەك. سوندىقتان كەز كەلگەن اتا- انا بالاسىنىڭ دەنساۋلىعىنا زەر سالىپ، ۋاقىتىلى بىلىكتى ماماندارعا قاراتىپ وتىرسا، اۋرۋدىڭ الدىن الادى» دەيدى «لوندون- الماتى» ساقتاندىرۋ كومپانياسىنىڭ باس ساراپشىسى ەۆگەنيا ۆەليشەك.

انار قونىس

aikyn.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات