+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الەم ەلدەرىن قىمباتشىلىق قىسىپ تۇر

25 قاراشا 07:01
:ءبولىسۋ
الەم ەلدەرىن قىمباتشىلىق قىسىپ تۇر

نۇر-سۇلتان.قازاقپارات - تۇركيادا ليرا تاعى قۇنسىزدانىپ، كەيبىر ازىق- تۇلىك باعاسى 3 ەسە وسكەن، دەپ حابارلايدى «حابار 24».

تۇرىكتىڭ ۇلتتىق ۆاليۋتاسى جىل باسىنان بەرى 70 پروتسەنتكە قۇنسىزداندى. بۇل سوڭعى جىلدارداعى ەڭ ۇلكەن كورسەتكىش. جالپى كەيىنگى ۋاقىتتا ليرانىڭ ارزانداۋىنا قاتىستى رەكوردتار جيىلەپ كەتتى. سولاردىڭ ءبىرى كەشە تىركەلدى. ءبىر كۇندە ۆاليۋتا 12 پروتسەنتكە قۇنسىزدانعان. قازىر ءبىر دوللاردىڭ باعامى - 13,5 ليرا.

جاعدايدىڭ بىلاي ۋشىعىنىڭ بىرنەشە سەبەبى بار. سولاردىڭ ءبىرى، ارينە، كوروناۆيرۋس پاندەمياسى. ساراپشىلار پرەزيدەنتتىڭ ورتالىق بانككە ەسەپتىك مولشەرلەمەنى كوتەرۋگە رۇقسات بەرمەۋى دە ەكونوميكالىق احۋالدىڭ ناشارلاۋىنا اسەر ەتكەنىن ايتادى. سوڭعى جاعدايلارعا بايلانىستى ستامبۇل مەن انكارادا ەرەۋىلدەر ۇيىمداستىرىلعان. بۇقارالىق اقپارات قۇرالدارى كەيبىر ازىق- تۇلىك باعاسى 3 ەسە قىمباتتاپ كەتكەنىن حابارلايدى.

- بۇعان دەيىن ءبىر قاپ ۇن 100 ليرا تۇراتىن. قازىر ونىڭ قۇنى 300 ليرا. ءارى قاراي جاعداي نە بولماق؟ حالىق نە ىستەيدى؟ كەيبىرەۋلەر شەتەلدەن جۇمىس ىزدەپ جاتقانىن بىلەمىن. ويتكەنى مۇندا ەكى قولعا ءبىر كۇرەك تاپپاي جۇرگەندەر كوپ.

- ءبىز اياق كيىم شىعارۋمەن اينالىسامىز. الايدا ءوندىرىستى ۋاقىتشا توقتاتۋعا تۋرا كەلدى. ويتكەنى دوللار قىمباتتاپ، تيىسىنشە ماتەريالداردىڭ دا باعاسى كوتەرەلىپ كەتتى.

ينفلياتسيا سوڭعى 31 جىلداعى ەڭ ۇلكەن دەڭگەيگە جەتتى ا ق ش- تا وتكەن ايدا تۇتىنۋشىلىق باعالار 6,2 پروتسەنتكە قىمباتتادى. بۇل كەيىنگى 11 جىلداعى ەڭ ۇلكەن ءوسىم. ءسويتىپ جىلدىق ينفلياتسيا 1990 -جىلدان بەرى رەكوردتىق دەڭگەيگە جەتتى. ساراپشىلار جاعدايدىڭ بىلاي ۋشىعۋىنا كوروناۆيرۋس اسەر ەتكەنىن ايتادى. پاندەميا سالدارىنان تاۋارلار مەن شيكىزاتتىڭ جەتكىزىلۋى قيىنداعان.

جۋىردا جۇرگىزىلگەن ساۋالناما ناتيجەسى بويىنشا ءاربىر ءتورتىنشى امەريكالىق وتكەن ايدا ءومىر ءسۇرۋ دەڭگەيى كۇرت تومەندەپ كەتكەنىن ايتقان. ساراپشىلار بۇل دجو بايدەننىڭ بەدەلىنە نۇقسان كەلتىرىپ وتىرعانىن مالىمدەيدى.

برازيليادا نەبارى 1,5 ايدا گاز قۇنى 3 ەسە قىمباتتادى لاتىن امەريكاسى ەلدەرىن دە قىمباتشىلىق قىسىپ بارادى. ماسەلەن، قازاندا برازيليادا ينفلياتسيا 11 پروتسەتكە جەتتى. مۇنداي جاعداي سوڭعى 5 جىلدا بولماعان. ازىق- تۇلىك باعاسى 20 پروتسەنتكە وسكەن. ال گاز قۇنى ءبىر جارىم ايدا 3 ەسە قىمباتتاپتى.

جەرگىلىكى تۇرعىن:

- وتكەن اپتادا 4 كەلى ەت ساتىپ العان ەدىم. ال بۇگىن ءدال سول اقشاعا تەك 2 كەلى ەت كەلدى. باعا وتە قىمبات. ينفلياتسيا كەيىنگى 10 جىلداعى ەڭ ۇلكەن دەڭگەيگە جەتتى.

ۇلى بريتانيادا دا وسىنداي جاعداي. ەلدە جىلدىق ينفلياتسيا كەيىنگى 10 -جىلداعى ماكسيمالدىق دەڭگەيگە جەتكەن. كورولدىكتە وتكەن ايدا تۇتىنۋشىلىق باعالار 4,2 پروتسەنتكە وسكەن. بۇل 2011 -جىلدان بەرى بولماعان جاعداي. ساراپشىلار ونى جانارماي باعاسىنىڭ قىمباتتاۋىمەن بايلانىستىرىپ وتىر. ال بۇعان برەكزيت اسەر ەتكەن. ويتكەنى كورولدىك ەۋرووداق قۇرامىنان شىققاننان كەيىن مۇندا وزگە ەلدەردەن جۇمىسشىلاردىڭ كەلۋى قيىنداعان. سالدارىنان بەكەتتەرگە جانارماي تاسيتىن ماماندار جەتىسپەي، وتىن تاپشىلىعى تۋىنداپ، باعالار وسكەن ەدى.


اۆتورى: جۇلدىز اتاگەلديەۆا

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات