+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

جاپون دەلەگاتسياسى الماتىداعى بىتىمگەرلەردى دايارلاۋ ورتالىعىنا باردى

24 قاراشا 22:30
:ءبولىسۋ
جاپون دەلەگاتسياسى الماتىداعى بىتىمگەرلەردى دايارلاۋ ورتالىعىنا باردى

نۇر-سۇلتان. قازاقپارات - الماتى قالاسىنداعى قورعانىس مينيسترلىگىنىڭ بىتىمگەرلەردى دايارلاۋ ورتالىعىنا جاپونيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى يامادا دجۋن، قورعانىس ماسەلەلەرى جونىندەگى ەلشىنىڭ ءبىرىنشى حاتشىسى پولكوۆنيك ساۆاي تاداشي مەن مەديتسينالىق ماسەلەلەر جونىندەگى كەڭەسشى نيشيزاۆا سوكو جۇمىس ساپارىمەن باردى.

بۇل تۋرالى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ورتالىقتىڭ باستىعى پولكوۆنيك باۋىرجان نىعمەتۋللين ورتالىق قىزمەتىنىڭ ماقساتى مەن ءمانى، ونىڭ ىشىندە بىتىمگەرلىك كۋرستار مەن قارقىندى تىلدىك دايىندىق تۋرالى حاباردار ەتتى.

ورتالىقتى دامىتۋ جوسپارىندا وتكىزىلەتىن كۋرستاردى كوبەيتۋ جانە مەكەمەنىڭ وڭىرلىك دەڭگەيگە شىعۋى دا بار.

ءسوز اراسىندا 19 - قاراشادا «ب ۇ ۇ- نىڭ ازاماتتىق تۇرعىنداردى قورعاۋ - United Nations Protection of Civilians CoursE « اتتى ب ۇ ۇ- نىڭ سەرتيفيكاتتالعان حالىقارالىق كۋرسى اياقتالعانىن ايتا كەتەيىك.

وندا بانگلادەش، برازيليا، قازاقستان، ماۆريتانيا، موزامبيك، نيگەريا، پاكىستان، ساۋد ارابياسى جانە فينليانديا قارۋلى كۇشتەرىنىڭ وكىلدەرى وقىدى. ساپار بارىسىندا قازاقستان مەن جاپونيا قورعانىس ۆەدومستۆولارى اراسىنداعى ورتالىقتىڭ بىتىمگەرشىلىك الەۋەتىن دامىتۋداعى ەكىجاقتى ىنتىماقتاستىقتى نىعايتۋ ماسەلەلەرى تالقىلاندى.

توتەنشە جانە وكىلەتتى ەلشى كەزدەسۋدى ۇيىمداستىرىپ، قوناقجايلىلىق تانىتقانى ءۇشىن ءوز العىسىن ءبىلدىردى. سونداي-اق ول قازاقستاننىڭ بەيبىتشىلىكتى قولداۋ جونىندەگى وپەراتسيالارعا قاتىسۋىن كەڭەيتۋ ارقىلى بەيبىتشىلىك پەن قاۋىپسىزدىكتى نىعايتۋعا قوسقان ۇلەسىن اتاپ ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات