+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قانداي اۋا رايىندا وقۋشىلار مەكتەپكە بارمايدى

24 قاراشا 22:15
:ءبولىسۋ
قانداي اۋا رايىندا وقۋشىلار مەكتەپكە بارمايدى

وسكەمەن. قازاقپارات - شىعىس قازاقستان وبلىسىندا قانداي اۋا رايىندا وقۋشىلار مەكتەپكە بارمايتىندىعى بەلگىلى بولدى، دەپ حابارلايدى قازاقپارات ءتىلشىسى.

ش ق و اقپارات ورتالىعىندا وتكەن باسپا ءسوز كونفەرەنسياسى بارىسىندا قۇتقارۋشىلار مەن جول قىزمەتتەرىنىڭ وكىلدەرى قىس مەزگىلىنە دايىندىق جۇمىستارىنىڭ قانداي دەڭگەيدە ەكەندىگىن ايتىپ بەردى.

«بۇگىنگى تاڭدا وبلىس جولدارىندا ءجيى قار باساتىن 386 ۋچاسكە انىقتالدى. جالپى ۇزىندىعى 816 شاقىرىم بولاتىن سول ۋچاسكەلەرگە 20972 مەتر قار ۇستايتىن قالقاندار ورناتىلدى. جولدا قالعاندارعا جەدەل كومەك كورسەتۋ ءۇشىن جەكە قۇرامنان 3123 ادام، 406 قار تازالاعىش، 214 ينجەنەرلىك، 96 ەۆاكۋاتسيالىق جانە 153 وتىمدىلىگى جوعارى تەحنيكا ساقاداي ساي»، - دەدى وبلىستىق ت ج د توتەنشە جاعدايلاردى جويۋ باسقارماسىنىڭ باستىعى رينات قوندىبايەۆ.

ءوڭىر جولدارىندا 19 جىلىتۋ پۋنكتى ورنالاسقان. 4 تراسسالىق مەديتسينالىق-قۇتقارۋ پۋنكتى دە جۇمىس ىستەيدى. بۇدان بولەك، بريفينگ بارىسىندا قانداي اۋا رايىندا وقۋشىلار مەكتەپكە بارمايتىندىعى ءتۇسىندىرىلدى.

«قولايسىز مەتەوجاعدايلار تۋىنداعاندا بالالار قاشىقتان وقىتۋعا اۋىستىرىلادى. ساباقتاردى توقتاتۋ ق ر ءبىلىم جانە عىلىم ءمينيسترىنىڭ 2016-جىلعى 18- قاڭتارداعى بۇيرىعىنا سايكەس جۇزەگە اسىرىلادى.

اۋا تەمپەراتۋراسى 28- گرادۋس جانە ودان تومەن بولعاندا 1-4- سىنىپتاردا، 32- گرادۋس جانە ودان تومەن بولعاندا 5-9- سىنىپتاردا، 34- گرادۋس جانە ودان تومەن بولعاندا 0-11- سىنىپتار مەن كوللەدجدەردىڭ I ، II كۋرستارىندا ساباق ونلاين وتكىزىلەدى. سونداي-اق مەكتەپ وقۋشىلارى مەن كوللەدج ستۋدەنتتەرى كوشەدە كوكتايعاق جانە قاتتى جەل بولعان كەزدە مەكتەپكە بارمايدى»، - دەدى ش ق و ءبىلىم باسقارماسىنىڭ وكىلى بۇلبۇل قوزىبايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات