+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

شۆەتسيادا ەل تاريحىندا العاش رەت ايەل پرەمەر-مينيستر سايلاندى

24 قاراشا 21:41
:ءبولىسۋ
شۆەتسيادا ەل تاريحىندا العاش رەت ايەل پرەمەر-مينيستر سايلاندى

ستوكگولم. قازاقپارات - ماگدالەنا اندەرسسون شۆەتسيا تاريحىنداعى ءبىرىنشى ايەل پرەمەر-مينيستر اتاندى.

شۆەتسيا بۇل وقيعاعا دەيىن سكانديناۆيا ەلدەرىنىڭ ىشىندە ۇلت كوشباسشىسى رەتىندە ايەلدى سايلاپ كورمەگەن جالعىز ەل بولاتىن، دەپ حابارلايدى قازاقپارات BBC گە سىلتەمە جاساپ.

54 جاستاعى ماگدالەنا اندەرسسوندى بۇل قىزمەتكە شۆەتسيا پارلامەنتى بەكىتتى.

ول ستەفان ليەۆەننىڭ ورنىنا كەلدى. شۆەد زاڭىنا ساي، پرەمەر-مينيستر بولۋ ءۇشىن پارلامەنت مۇشەلەرىنىڭ باسىم بولىگى قارسى داۋىس بەرمەۋى كەرەك.

شۆەتسيانىڭ سوتسيال-دەموكراتيالىق جۇمىسشى پارتياسىنىڭ كوشباسشىسى ماگدالەنا ماندەرسسوندى تاڭداۋعا 174 دەپۋتات داۋىس بەردى. بۇل دەپۋتاتتاردىڭ جارتىسىنان از. 117 دەپۋتات ماندەرسسوننىڭ كانديداتۋراسىن قولداپ، تاعى 57 ءسى داۋىس بەرۋدەن باس تارتتى.

وسىلايشا، ەلدىڭ جاڭا پرەمەر-ءمينيسترى از ايىرماشىلىقپەن جەڭىسكە جەتتى. سايلاۋ قورىتىندىسى بەلگىلى بولعاننان كەيىن سوتسيال-دەموكراتيالىق جۇمىسشى پارتياسىنىڭ كوشباسشىسىنا ريكسداگ قابىرعاسىندا قۇرمەت كورسەتىلدى. اندەرسسون ماماندىعى بويىنشا - ەكونوميست. ول ستوكگولم ەكونوميكا مەكتەبىن ءتامامداپ، 1992-جىلى ىسكەرلىك اكىمشىلىك جانە ەكونوميكا سالاسىنداعى عىلىم باكالاۆرى دارەجەسىن العان.

1995-جىلى ول وقۋىن گارداردتا جالعاستىردى. ول ساياسي مانسابىن 1996-جىلى پرەمەر-مينيستر يوران پەرسسوننىڭ ساياسي كەڭەسشىسى رەتىندە باستاعان. 2014-جىلى اندەرسسون شۆەتسيانىڭ قارجى ءمينيسترى اتاندى.

وعان دەيىن بۇل لاۋازىمدا دا ايەلدەر بولماعان.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات