+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ءسال كەشىكسە، ءورت بولۋى مۇمكىن ەدى - اباي شاحتاسىنداعى وقيعانىڭ ءمان-جايى

24 قاراشا 21:29
:ءبولىسۋ
ءسال كەشىكسە، ءورت بولۋى مۇمكىن ەدى - اباي شاحتاسىنداعى وقيعانىڭ ءمان-جايى

نۇر-سۇلتان. قازاقپارات - ق ر توتەنشە جاعدايلار ءمينيسترى يۋري يلين اباي شاحتاسىندا تەكسەرۋ جۇرگىزگەن ۇكىمەتتىك كوميسسيا انىقتاعان دەرەكتەردى ايتتى، دەپ حابارلايدى قازاقپارات ءتىلشىسى.

«ك10 دەپ اتالاتىن جەلدەتۋ شترەگىنىڭ كەنجارىندا 2-4- قاراشا ارالىعىندا كەن بارلاۋ جانە جول ارشۋ جۇمىستارىنا دايىندىق جۇرگىزىلگەن. سونىڭ ارقاسىندا گازديناميكالىق قۇبىلىستىڭ اسەرى باسەڭ بولعان جانە مەتاننىڭ تارالۋ اۋقىمى شەكتەلگەن. ءدال 7- قاراشا كۇنى ساعات 8.00 دە تەحنيكالىق اۋىسىم جۇمىسقا كىرىسىپ، دايىندىقتى جالعاستىرعان. ياعني، ەشقانداي بۇرعىلاۋ جۇمىستارى جۇرگىزىلگەن جوق. ءبىرىنشى اۋىسىم جۇمىسقا كىرىسكەننەن كەيىن 20 مينۋت وتكەندە مەتان كونسەنتراتسياسىنىڭ ارتۋى تىركەلگەن. ونىڭ مولشەرى ءار 20-30 سەكۋند سايىن وسە كەلىپ، شەكتى ءمان - %41 عا جەتەدى. بۇل دەنساۋلىققا قاتەرلى مولشەر قالىپتاستى دەگەن ءسوز ەدى»، - دەدى يۋري يلين قاراعاندى وبلىسىنداعى وڭىرلىك كوممۋنيكاتسيالار قىزمەتىندە وتكەن بريفينگىندە.

مينيستر زارداپ شەككەندەر بۇدان دا كوپ بولۋى مۇمكىن ەدى دەپ وتىر.

«شاحتاداعى گاز مولشەرىن باقىلايتىن كەزەكشى ديسپەتچەردىڭ جەدەل ارەكەتىنىڭ ارقاسىندا ەلەكتر قۋاتى دەرەۋ اجىراتىلىپ، جۇمىسشىلاردى ەۆاكۋاتسيالاۋ تۋرالى شەشىم شىعارىلعان. سونىڭ ارقاسىندا كوز جۇمعاندار سانى - 6 ادام بولدى. شاحتادا وت تۇتانعان جاعدايدا ونداعى 64 ادام تۇگەل قازا تابۋى مۇمكىن ەدى»، - دەدى يۋري يلين.

ءمينيستردىڭ ايتۋىنشا، قايتىس بولعان 6 ادام اينالاسى 2-3 مينۋتتىڭ ىشىندە ۋلانعان.

«وقيعا وتە جىلدام وربىگەن. كەنجاردا قالعان 6 ادام اينالاسى 2-3 مينۋتتىڭ ىشىندە ۋلانىپ ۇلگەرگەن. ەلەكتر قۋاتى اجىراتىلعانىن كورگەن شاحتا جۇمىسشىلارىنىڭ ءبىرى وزدىگىنەن قۇتقارۋ جۇمىسىن باستاپ كەتكەن. سونىڭ ارقاسىندا 2 كەنشى امان قالىپ وتىر»، - دەپ تۇيىندەدى توتەنشە جاعدايلار ءمينيسترى.

ەسكە سالساق، 7- قاراشا كۇنى قاراعاندى وبلىسىنىڭ اباي شاحتاسىنداعى توتەنشە جاعدايدان بىرنەشە كەنشى قازا تاپقان بولاتىن.

بۇگىنگى بريفينگ بارىسىندا يۋريف يلين اپاتتا قازا بولعان جۇمىسشىلاردىڭ كىناسى دالەلدەنبەگەنىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات