+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قازاقستان مەن تۇرىكمەنستان ءوزارا ۆاكسينا پاسپورتىن مويىنداۋ ماسەلەسىن قاراپ جاتىر

24 قاراشا 20:54
:ءبولىسۋ
قازاقستان مەن تۇرىكمەنستان ءوزارا ۆاكسينا پاسپورتىن مويىنداۋ ماسەلەسىن قاراپ جاتىر

نۇر-سۇلتان. قازاقپارات - قازاقستان مەن تۇرىكمەنستان ەكىجاقتى ۆاكسينا پاسپورتىن مويىنداۋ جاعىن قاراستىرىپ جاتىر.

بۇل تۋرالى قازاقستانداعى تۇرىكمەنستان رەسپۋبليكاسىنىڭ توتەنشە جانە وكىلەتتى ەلشىسى باتىر رەدجەپوۆ ءمالىم ەتتى، دەپ حابارلايدى قازاقپارات ءتىلشىسى.

«بۇل باعىتتا ەكىجاقتى جۇمىس ءجۇرىپ جاتىر. جۋىردا تۇرىكمەنستان مەن قازاقستاننىڭ دەنساۋلىق ساقتاۋ مينيسترلىگىنىڭ وكىلدەرىنىڭ كەزدەسۋى ءوتتى. سول كەزدەسۋدە ەكىجاقتى ۆاكسينا پاسپورتىن مويىنداۋ ماسەلەسى دە قوزعالدى. جوسپاردا بار، ناقتى ۋاقىتى ازىرگە بەلگىسىز. جالپى بۇگىندە تۇرىكمەنستاندا ەپيدجاعداي تۇراقتى»، - دەدى باتىر رەدجەپوۆ تىلشىلەردىڭ سۇراعىنا جاۋاپ بەرە تۇرا.

ونىڭ ايتۋىنشا، بۇگىندە قازاقستاندا 3 مىڭنان استام تۇرىكمەن ازاماتى تۇرىپ جاتىر.

ايتا كەتسەك، بۇگىن نۇر-سۇلتان قالاسىندا قازاقستان مەن تۇرىكمەنستان اراسىنداعى دوستىق قارىم-قاتىناسقا ارنالعان باسپا ءسوز ءماسليحاتى ءوتتى.

بريفينگ بارىسىندا تۇرىكمەن ديپلوماتى اتالعان ەلدىڭ بەيتاراپتىق ساياساتىنا قاتىستى تۇسىنىك بەرىپ ءوتتى.

سونداي-اق، كەلەر جىلى قازاقستاندا تۇرىكمەنستاننىڭ مادەني كۇندەرى وتەتىنى ايتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات