دەپۋتات شەتەلدەگى قانداستارعا انا ءتىلىن وقىتۋ ماسەلەسى تۋرالى ايتتى

None
None
نۇر-سۇلتان. قازاقپارات - ءماجىلىستىڭ جالپى وتىرىسىندا دەپۋتات جۇلدىز سۇلەيمەنوۆا شەتەلدەگى قانداستاردىڭ قازاقستانداعى وقۋ ورىندارىنا ءتۇسۋى ءۇشىن قولايلى جاعداي جاساۋدى ۇسىندى، دەپ حابارلايدى قازاقپارات ءتىلشىسى.

«ەلباسى نۇرسۇلتان ءابىش ۇلى نازاربايەۆتىڭ باستاماسىمەن شەتەلدەگى قانداستارىمىزدى ەلگە كوشىرۋ تۋرالى تاريحي شەشىمنىڭ قابىلدانعانىنا 30 جىل تولدى. 1991 -جىلدان بەرى ەلىمىزگە 1,5 ميلليوننان استام قانداسىمىز اتاجۇرتىمەن تابىسىپ، تاريحي وتانىنىڭ دامۋىنا ەڭبەك ەتۋدە. ۇلتتىق قوعامدىق سەنىم كەڭەسىنىڭ 6-وتىرىسىندا مەملەكەت باسشىسى قاسىم-جومارت توقايەۆ ۇكىمەتكە ۇلى كوش داتاسىن كۇنتىزبەگە ەنگىزۋدى تاپسىرعان بولاتىن. شەتەلدە تۇراتىن ەتنيكالىق قانداستارىمىزدىڭ قازاقستاندا ءبىلىم الۋى 1994 -جىلدان باستاۋ الادى. ول كەزدە قانداستارىمىزدىڭ قازاقستاندا تەگىن ءبىلىم الۋعا ارنالعان مەملەكەتتىك كۆوتا %2 قۇرادى. 2017 -جىلى ق ر تۇڭعىش پرەزيدەنتى - ەلباسىنىڭ تىكەلەي تاپسىرماسىمەن مەملەكەتتىك كۆوتا %4 عا دەيىن ءوستى. ءبىراق بۇگىنگى تاڭدا، وقۋعا تۇسۋگە نيەت بىلدىرگەندەردىڭ سانى كوپ بولۋىنا قاراماستان، ستۋدەنت اتانعاندار جىلدان جىلعا ازايۋدا»، - دەدى ج. سۇلەيمەنوۆا ۇكىمەت باسشىسىنىڭ ورىنباسارى ەرالى توعجانوۆتىڭ اتىنا جولداعان ساۋالىندا.

وسى ورايدا ول بۇل ماسەلەنىڭ نەگىزگى سەبەپتەرىنە توقتالدى. شەتەلدەگى قانداستارىمىز ءۇشىن قازاقستاننىڭ ءبىلىم بەرۋ مۇمكىندىكتەرى تۋرالى اقپاراتتىڭ جەتكىلىكسىزدىگى نەمەسە بولماۋى، شەتەلدەگى قانداستار اراسىندا قازاق ءتىلىن ۇيرەنۋگە ءتيىستى وقۋ- ادىستەمەلىك بازانىڭ بولماۋى، سونداي-اق ەتنيكالىق قانداستارىمىز ءۇشىن ۇ ب ت ەمتيحاندارىن تاپسىرۋدىڭ قيىندىعى اسەر ەتىپ وتىر.

«ويتكەنى، قازاقستاندىق ءبىلىم بەرۋ باعدارلاماسى بويىنشا 11 جىل وقىعان تالاپكەر دە، قازاقستاندا ەشقاشان وقىماعان نەمەسە تەك 9 ايلىق دايىندىق كۋرسىنان وتكەن قانداستارىمىز تەڭ دارەجەدە تەست تاپسىرادى. 2019 -جىلى ۇ ب ت- عا قاتىسۋعا قۇجات تاپسىرعاندار سانى 2000 ادام بولسا، ونىڭ 863 ى عانا وقۋعا ءتۇستى. ال 2021 -جىلى ۇ ب ت-عا قاتىسۋعا قۇجات تاپسىرعاندار سانى 2478 ادام بولسا، سونىڭ نەبارى 796 سى عانا وقۋعا ءتۇستى»، - دەدى دەپۋتات.

Nur Otan پارتياسى فراكسياسىنىڭ دەپۋتاتتارى شەتەلدەگى قانداستارىمىزعا ارنالعان جاڭا ءبىلىم بەرۋ كونسەپتسياسىن قاراستىرۋدى جانە قانداستارىمىزدىڭ ەلگە ورالىپ، تەگىن ءبىلىم الۋىنا قاتىستى كەلەسى ۇسىنىستاردى ەنگىزدى:

بىرىنشىدەن، ەتنيكالىق قازاقتار ءۇشىن حالىقارالىق ەمتيحاندارمەن سايكەستەندىرە الاتىن ۇ ب ت- نىڭ بالامالى ەمتيحانىن ەنگىزۋدى قاراستىرۋ قاجەت. سونىمەن قاتار، دايىندىق كۋرستارىن تىلدىك كۋرستارعا وزگەرتۋ ۇسىنىلدى.

ەكىنشىدەن، ەتنيكالىق قانداستارىمىزعا بولون پروتسەسى جانە اكادەميالىق ۇتقىرلىق ستيپەنديالىق باعدارلاماسى اياسىندا ماگيستراتۋرا مەن دوكتارانتۋراعا جەكە كۆوتا ءبولۋدى قاراستىرۋ ۇسىنىلدى. ۇشىنشىدەن، قازاق دياسپوراسى كوپ شوعىرلانعان ەلدەردەن ۇكىمەتارالىق ءبىلىم بەرۋ گرانتتارى اياسىندا ەتنيكالىق قانداستاردى بارىنشا تارتۋ قاجەت.

تورتىنشىدەن، شەتەلدەگى ەتنيكالىق قانداستار اراسىنان پەداگوگتار مەن عىلىمي قايراتكەرلەر قاۋىمداستىعىن قۇرۋ ۇسىنىلدى. ونلاين فورماتتا قازاق ادەبيەتى، قازاقستان تاريحى، بالالار ادەبيەتى بويىنشا شەتەلدەگى قازاق قاۋىمىنىڭ تىلدىك ەرەكشەلىكتەرىن ەسكەرە وتىرىپ، امبەباپ كىتاپتار ازىرلەۋ، Qazaq TV- دە قازاق ءتىلىن وقىتۋدىڭ تەلەۆيزيالىق نۇسقاسىن ىسكە قوسۋ (120 ەلدىڭ اۋديتورياسى) كەرەك. شەتەلدىك جوعارى وقۋ ورىندارىندا «قازاق ءتىلى» بولىمدەرى بار فاكۋلتەتتەرگە قارجىلىق، گۋمانيتارلىق جانە ادىستەمەلىك قولداۋ تانىتۋ ماڭىزدى.

بەسىنشىدەن، قازاقستان رەسپۋبليكاسى ءبىلىم جانە عىلىم مينيسترلىگى تاراپىنان قازاق مەكتەپتەرى ساقتالعان وزبەكستاندا - 370 مەكتەپكە، موڭعولياعا - 43 مەكتەپكە ادىستەمەلىك جانە عىلىمي قولداۋ كورسەتۋ قاجەت. بۇل مەكتەپتەردەگى مۇعالىمدەرگە بىلىكتىلىكتى ارتتىرۋ كۋرستارىن ۇيىمداستىرۋدى قولعا الۋ وزەكتى.

«سونىمەن قاتار، رەسەي فەدەراتسياسىنىڭ اۋماعىندا قازاق ءتىلىن وقىتۋ مۇمكىندىكتەرىن قاراستىرۋعا بايلانىستى ءبىلىم بەرۋ ۇيىمدارىمەن جۇمىستى كۇشەيتۋدى ۇسىنامىز»، - دەدى ج. سۇلەيمەنوۆا.

اۆتور: رۋسلان عابباسوۆ

سوڭعى جاڭالىقتار