مادەني دەمالىس: وسى اپتادا نۇر- سۇلتاندا قانداي ءىس- شارالار وتەدى

نۇر- سۇلتان. قازاقپارات - وسى اپتادا ەلوردالىق مادەنيەت مەكەمەلەرى ءۇي كورمەلەر مەن سپەكتاكلدەردەن باستاپ شىعارماشىلىق كەشتەر مەن تانىمدىق دارىستەرگە دەيىن ءبىرقاتار ءتۇرلى ءىس- شارالار وتكىزۋدى جوسپارلاپ وتىر.

ولاردى ونلاين جانە وفلاين رەجيمدە كورۋگە بولادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

24-قاراشا كۇنى ساعات 19:00-دە ە. راحمادييەۆ اتىنداعى مەملەكەتتىك اكادەميالىق فيلارمونياسى قوناقتاردى ق ر ەڭبەك سىڭىرگەن قايراتكەرى، ق ر مەملەكەتتىك سىيلىعىنىڭ لاۋرەاتى، كومپوزيتور تولەگەن مۇحامەدجانوۆ پەن قازاقستان مەن تاتارستاننىڭ حالىق ءارتىسى نۇرجامال ۇسەنبايەۆانىڭ «جاساي بەر، قازاق ەلى» اتتى شىعارماشىلىق كەشىنە شاقىرادى.

تاۋەلسىزدىكتىڭ 30 جىلدىعىنا ارنالعان كونسەرتتە ق ر ەڭبەك سىڭىرگەن قايراتكەرلەرى ەستاي مۇقاشيەۆ، سۇندەت بايعوجين، مەدەت شوتابايەۆ، التىناي جورابايەۆا، ارايلىم راحىم قىزى، ايگۇل قوسانوۆا، كامەرالىق حور، سيمفونيالىق وركەستر، حالىقارالىق كونكۋرستاردىڭ لاۋرەاتتارى نۇربول بالاپانوۆ، مۇراتبەك حايرولدا، تالعات اللابەرينوۆ، ديانا ماي، التىنشاش مۇقاتايەۆا، ايدىن جۇماباي، نۇرقانات تاپيەۆ، اقبوتا قۇسنادين، اكىمحان ماجەنوۆ، پاراسات وتان ونەر كورسەتەدى.

26-قاراشا كۇنى كەشكە «استانا» كونتسەرت زالىندا پولشا رەسپۋبليكاسىنىڭ ەلشىلىگىمەن بىرلەسىپ، ەلوردالىق فيلارمونيانىڭ «پولياك كومپوزيتورلارىنىڭ ساۋندترەكتەرى» سيمفونيالىق وركەسترىنىڭ مۋزىكالىق كەشى وتەدى. كەش باعدارلاماسىندا «قورقىت» ەتنو- ءانسامبلى دە ونەر كورسەتەدى. اپتا بويى قالا تۇرعىندارى مەن قوناقتارى مازمۇندى باعدارلاما دايىنداعان ەلوردالىق تەاترلاردىڭ قويىلىمدارىنا قاتىسا الادى. وسىلايشا، «جاستار» تەاترى 23-جانە 24-قاراشا كۇندەرى كەشكىسىن ك. مۇراتتىڭ «وتكروۆەنيە پود پوكروۆوم دوجديا» دراماسىن كورسەتەدى.

جاس كورەرمەندەر ءۇشىن جاستار تەاترى ۆ. ورلوۆتىڭ «دوبروە سەردتسە» ەرتەگىسىن دايىندادى. كورسەتىلىم 25-قاراشا كۇنى ساعات 12:00 دە جانە 14:00 دە وتەدى. سول كۇنى وسىندا م. اۋەزوۆتىڭ «ايمان- شولپان» مۋزىكالىق دراماسىن قويادى.

م. گوركي اتىنداعى مەملەكەتتىك اكادەميالىق ورىس دراما تەاترىندا 24-قاراشا كۇنى ساعات 11:00 جانە 14:00 دە ا. بولدينوۆتىڭ «پريكليۋچەنيا ايستەنكا وقيعالارى» ەرتەگىسىن كورسەتەدى.

ال 26-قاراشادا ساعات 19:00-دە گوركييلىقتار ر. تومنىڭ «ۆوسەم ليۋبچشيح جەنشين» تراگيكومەدياسىنىڭ پرەمەراسىنا شاقىرادى.

25-قاراشا كۇنى ساعات 15:00 دە جاس كورەرمەننىڭ مۋزىكالىق تەاترى قازاق اقىنى مۇقاعالي ماقاتايەۆتىڭ 90 جىلدىعىنا ارنالعان «عاشىق- جۇرەك» مۋزىكالىق- پوەتيكالىق سپەكتاكلىن ۇسىنادى.

26-قاراشا كۇنى ساعات 16:00 دە، سونداي- اق 27-28-قاراشا كۇندەرى ساعات 12:00 دە جانە 14:00 دە ەلوردالىق قۋىرشاق تەاترى ءا. سالايەۆتىڭ حالىق ەرتەگىسى جەلىسىمەن «ستاريك پەرەكاتي- پولە» قويىلىمىن كورسەتەدى. قالالىق كىتاپحانالاردا دا ءبىرقاتار ءىس- شارالار وتكىزىلەدى.

24-قاراشادا №15 بۇقارالىق كىتاپحانا «سامىي ترۋدنىي ۆ ميرە كلاسسيك» اتتى وي- تولعاۋ كورمەسىن، ال №5 بۇقارالىق كىتاپحانا «قوعامدىق ءتارتىپ - ءاربىر ازاماتتىڭ ءىسى» اتتى اقپارات ساعاتىن ۇيىمداستىرادى. كۇندىز كوزى كورمەيتىن جانە ناشار كورەتىن ازاماتتارعا ارنالعان مامانداندىرىلعان كىتاپحانادا «تەڭگە - تاۋەلسىزدىك كەلبەتى» تانىمدىق ساعاتى، ال №8 بالالار كىتاپحاناسىندا - ادەبي- قۇقىقتىق ۆيكتورينا وتەدى.

26-قاراشادا №10 بۇقارالىق كىتاپحانا «قۇقىق الەمىندە» بەينەروليگىن دايىندايدى، وندا ازاماتتىق جاۋاپكەرشىلىك نەگىزدەرى، قوعام الدىنداعى ءار ادامنىڭ مىندەتتەرى كورسەتىلەدى.

30-قاراشادا № 5 بۇقارالىق كىتاپحانادا «فلورا» بولمە وسىمدىكتەرىن سۇيەتىندەر كلۋبتارىنىڭ وتىرىسى وتەدى.

26-قاراشادا «جاستار» سارايى الەۋمەتتىك جەلىلەردەگى رەسمي پاراقشالارىندا ىبىراي ءالتىنساريننىڭ 180 -جىلدىق مەرەيتويىنا ارنالعان «جيزن ۆ تۆورچەستۆە» توپتاماسىنان الىنعان دەرەكتى بەينەروليكتى كورسەتەدى.

«اتامەكەن» قازاقستان كارتاسى « ەتنو- مەموريالدىق كەشەنى 24-قاراشادا ءوزىنىڭ Instagram جانە Facebook اككاۋنتتارىندا «رۋحاني جاڭعىرۋ« باعدارلاماسى بويىنشا ءدارىس وتكىزەدى، ءبىر كۇننەن كەيىن جازۋشى، ۇوس قاتىسۋشىسى جانگەلدى توقتاعاليدىڭ تۋعانىنا 105 جىل تولۋىنا وراي ونىڭ ءومىرى مەن شىعارماشىلىعىمەن تانىستىرادى.

26-قاراشادا دۇنيەجۇزىلىك اقپارات كۇنى، ال 28-قاراشادا شوقان ءۋاليحانوۆتىڭ تۋعانىنا 180 جىل تولادى. ساياسي قۋعىن- سۇرگىن جانە توتاليتاريزم قۇرباندارىنىڭ «الجير« مەموريالدى- مۇراجاي كەشەنىندە 26-قاراشادا بۇرىن ەسىرتكىگە تاۋەلدى بولعان، اۋرۋىن جەڭگەن ادامنىڭ قاتىسۋىمەن ديالوگ- ديسپۋت وتەدى.

28-قاراشادا ونلاين فورماتتا ولار «دەپورتاتسيا تراگەدياسى« تاقىرىبىندا ءدارىس ۇيىمداستىرادى. وسى اپتا بويى ساكەن سەيفۋللين مۇراجايى الەۋمەتتىك جەلىلەردەگى ءوز پاراقشالارىندا» ساكەن ومىرىنەن.. .«، م. قوزىبايەۆتىڭ 90 -جىلدىعىنا ارنالعان ءدارىس، «تەرنيستىي پۋت« رومانىنان ءۇزىندى جاريالايدى. تاريحي- مادەني مۇرا ەسكەرتكىشتەرى مەن وبەكتىلەرىنىڭ ساقتالۋىن قامتاماسىز ەتۋ ديرەكسياسى 24-قاراشادا «سوكرالنايا كارتا. يستوريا نۋر- سۋلتانا ۆ پامياتنيكاح ي وبەكتاح ستوليتسى« تاقىرىبىندا ونلاين لەكتسياسىن، ال ءبىر كۇننەن كەيىن - ازاتتىق كوتەرىلىس جەتەكشىسىنىڭ 230 -جىلدىعىنا ارنالعان «يساتاي تايمان ۇلى باستاعان ۇلت- ازاتتىق كوتەرىلىس« تىكەلەي ەفيردەگى ساباعىن وتكىزەدى.

28-قاراشادا «ماڭگىلىك ەل« سالتانات قاقپاسىنىڭ الەۋمەتتىك جەلىلەردەگى پاراقشالارىندا ەلوردانىڭ 10 جىلدىق مەرەيتويىنا الماتى وبلىسىنىڭ سىيعا تارتقان جامبىل جابايەۆ ەسكەرتكىشى تۋرالى تولىق اقپارات پايدا بولادى. بارلىق ءىس- شارالار سانيتارلىق نورمالاردى قاتاڭ ساقتاي وتىرىپ وتەدى.