مينيسترلىككە تۇتىنۋشىلاردان تۇسەتىن وتىنىشتەر سانى جىل سايىن ارتىپ كەلەدى - باقىت سۇلتانوۆ

نۇر-سۇلتان. قازاقپارات - تۇتىنۋشىلار تاراپىنان كەلىپ تۇسەتىن وتىنىشتەردىڭ ارتۋى ەل اراسىندا تۇتىنۋشىلىق مادەنيەتتىڭ ارتقانىن دا كورسەتەدى.

ق ر ساۋدا جانە ينتەگراتسيا ءمينيسترى باقىت سۇلتانوۆ ۇكىمەت وتىرىسىندا وسىنداي مالىمەت بەردى، دەپ حابارلايدى قازاقپارات ءتىلشىسى.

«تۇتىنۋشىلاردىڭ قۇقىقتارىن قورعاۋ جونىندەگى زاڭناماعا بىلتىر ەنگىزىلگەن تۇزەتۋلەردىڭ ارقاسىندا ق ر ۇكىمەتىنىڭ جانىندا ۆەدومستۆوارالىق كەڭەس قۇرىلدى. تۇتىنۋشىلاردىڭ قۇقىقتارىن قورعاۋ سالاسىنداعى ۋاكىلەتتى ورگانعا مەملەكەتتىك باقىلاۋ جۇرگىزۋ فۋنكسيالارى بەرىلدى. تۇتىنۋشىلاردىڭ قۇقىقتارىن بۇزعانى ءۇشىن اكىمشىلىك جاۋاپكەرشىلىككە تارتۋ نورمالارى ەنگىزىلدى. تۇتىنۋشىلاردىڭ شاعىمدارىن قاراۋدىڭ ءۇش ساتىلى جۇيەسى قۇرىلدى»، - دەگەن مينيستر، بيىل 1-قاڭتاردان باستاپ «Е -tutynushy» اقپاراتتىق جۇيەسى ىسكە قوسىلعانىن ەسكە سالدى.

ونىڭ ايتۋىنشا، جىل سايىن ساۋدا جانە ينتەگراتسيا مينيسترلىگىنە تۇتىنۋشىلاردان كەلىپ تۇسەتىن وتىنىشتەردىڭ سانى ارتىپ كەلەدى.

«مينيسترلىك 2019 -جىلى 6 مىڭعا جۋىق ءوتىنىشتى قاراسا، 2020 -جىلى وتىنىشتەر سانى 21 مىڭعا جەتتى. ال بيىل 10 ايدىڭ كورسەتكىشى وتكەن جىلدىڭ كولەمىنەن اسىپ ءتۇستى. وسى مالىمەتتەر سالادا پروبلەما بار ەكەنىن عانا ەمەس، تۇتىنۋشىلىق مادەنيەتىنىڭ بىرتىندەپ ارتىپ كەلە جاتقانىن دا كورسەتەدى. وتىنىشتەردىڭ ءوسۋىنىڭ ۇقساس جاعدايى وزگە مەملەكەتتىك ورگاندار بويىنشا دا بايقالادى. مىسالى، 2019 -جىلى مەملەكەتتىك ورگاندارعا شامامەن مەملەكەتتىك ورگاندارعا شامامەن 30 مىڭ ءوتىنىش تۇسسە، 2020 -جىلى 40 مىڭ، ال بيىل جارتى جىلدا 26 مىڭ ءوتىنىش قارالدى»، - دەدى باقىت سۇلتانوۆ.