وتاندىق تاۋار: الداعى تاياۋ جىلدارى بىرنەشە كاسىپورىن سالىنادى

نۇر- سۇلتان. قازاقپارات - ەلىمىزدە وتاندىق تاۋار ءونىمى ۇلەسىن ارتتىرۋ ماقساتىندا الداعى جىلدارى بىرنەشە جاڭا كاسىپورىن سالىپ، ىسكە قوسۋ جوسپارلانىپ وتىر.

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ۇكىمەت وتىرىسىندا ءمالىم ەتتى، دەپ حابارلايدى قازاقپارات ءتىلشىسى.

«وتاندىق تاۋارلاردىڭ اسسورتيمەنتىن كەڭەيتۋ ماقساتىندا جاڭا جوبالاردى ىسكە قوسۋ جوسپارلانۋدا. ايتار بولساق، 2022 -جىلى قىزىلوردا وبلىسىندا قۋاتى 197,1 مىڭ توننا بولاتىن «Orda Glass LTD» تاباق شىنى وندىرەتىن زاۋىتتى پايدالانۋعا بەرۋ جوسپارلانعان. ينۆەستيتسيا كولەمى 42,1 ميلليارد تەڭگەنى قۇرايدى. بۇل جوبانى ىسكە اسىرۋ ناتيجەسىندە ىشكى نارىقتىڭ تاباق شىنىعا قاجەتتىلىگىنىڭ %98 وتەيدى. سونىمەن قاتار 2023 -جىلعا دەيىن شەتەلدىك ينۆەستورلاردىڭ (شۆەيتساريا، تۇركيا، وزبەكستان) قاتىسۋىمەن كەراميكالىق پليتكالار شىعاراتىن ءۇش جاڭا كاسىپورىن (جالپى جوبالىق قۋاتى 21,5 ميلليون شارشى مەتر) پايدالانۋعا بەرىلەدى»، - دەدى بەيبىت اتامقۇلوۆ.

ءمينيستردىڭ مالىمەتىنشە، اتالعان جاڭا جوبالار ىشكى نارىقتىڭ قاجەتتىلىگىن تولىق قامتاماسىز ەتەدى.

«ودان بولەك، 2025 -جىلعا دەيىن كالسيلەنگەن سودا ءوندىرۋ بويىنشا تاعى جاڭا 2 كاسىپورىندى ىسكە قوسۋ جوسپارلانىپ وتىر. سونىڭ ءبىرى جامبىل وبلىسىنداعى «Qazaq soda» ج ش س، قۋاتى 500 مىڭ توننا جانە پاۆلودار وبلىسىنداعى «پاۆلودار سودا» ج ش س، قۋاتى 200 مىڭ توننانى قۇرايدى»، - دەيدى ول.