ەلوردا پوليتسياسى كولىك جۇرگىزۋشىلەرىنە جولدا ساق بولۋدى ەسكەرتتى
نۇر-سۇلتان قالالىق پوليتسيا دەپارتامەنتىنىڭ مالىمەتىنشە، تاڭعى ساعات 08:00 باستاپ قانا 51 جول-كولىك وقيعاسى ورىن الىپ، قالا تۇرعىندارىنىڭ ءبىرى جاراقات الدى.
ماسەلەن، 21- قاراشا كۇنى ساعات 21:20 شاماسىندا «Skoda Rapid» ماركالى اۆتوكولىكتىڭ 26 جاستاعى جۇرگىزۋشىسى ق. مۇحامەدحانوۆ كوشەسىمەن كەلە جاتىپ، باسقا قاتارعا اۋىسقان كەزدە جولاي كەلە جاتقان كولىككە جول بەرمەگەن.
سونىڭ سالدارىنان 22 جاستاعى جۇرگىزۋشى تىزگىندەگەن «Mercedes-benz 240c» ماركالى اۆتوكولىگىمەن سوقتىعىسىپ، ول اۋدارىلىپ قالعان. جول اپاتى كەزىندە زارداپ شەككەندەر جوق. «Skoda Rapid» جۇرگىزۋشىسىنە قاتىستى ق ر ا ق ب ك 610-بابىنىڭ 1-بولىگى بويىنشا اكىمشىلىك ءىس قوزعالدى. ماتەريال نۇر-سۇلتان قالالىق مامانداندىرىلعان اۋدانارالىق اكىمشىلىك سوتىنا جىبەرىلدى.
«نۇر-سۇلتان قالالىق پوليتسيا دەپارتامەنتى اۋا-رايىنىڭ قولايسىزدىعىنا بايلانىستى جۇرگىزۋشىلەرگە قوزعالىس كەزىندە بارىنشا مۇقيات جانە ساق بولۋعا، جىلدامدىق رەجيمىن، قاۋىپسىز قاشىقتىقتى جانە مانيەۆر جاساۋ ەرەجەلەرىن مۇلتىكسىز ساقتاۋعا شاقىرادى. جاياۋ جۇرگىنشىلەرگە وتە مۇقيات بولۋ كەرەكتىگىن ەسكەرتەدى»، - دەلىنگەن ۆەدومستۆو اقپاراتىندا.