قازاقستاندا ەت قىمباتتاپ جاتىر

None
None
نۇر-سۇلتان. قازاقپارات - قازاقستاندا قازاندا ەت پەن قۇس ەتى 2020 -جىلعى قازانمەن سالىستىرعاندا 10,7 پايىزعا قىمباتتادى، - دەپ حابارلايدى Energyprom.kz.

ب ۇ ۇ ازىق- تۇلىك جانە اۋىل شارۋاشىلىعى ۇيىمىنىڭ مالىمەتى بويىنشا، الەمدە ەت پەن قۇس ەتىنە ازىق- تۇلىك باعاسىنىڭ يندەكسى 112,1 تارماق - 20,3 تارماق نەمەسە ءبىر جىل بۇرىنعىمەن سالىستىرعاندا 22,1 پايىز بولدى. بىلتىرعى كورسەتكىشپەن سالىستىرعاندا ازىق- تۇلىك باعاسىنىڭ ەڭ جوعارى يندەكسى شىلدەدە تىركەلدى: 114,1 بال.

وڭىرلەر تۇرعىسىندا ءبىر جىلدا ەت پەن قۇس ەتىنىڭ باعاسى قوستاناي وبلىسىندا 4,1 پايىزدان تۇركىستان وبلىسىندا 18,4 پايىزعا ءوستى. سونداي-اق ماڭعىستاۋ وبلىسىندا (16,6 پايىزعا) جانە شىمكەنتتە (16,4 پايىزعا) ايتارلىقتاي ءوسىم بايقالعان.

قازاقستاندا قوي ەتى مەن قۇس ەتىنىڭ باعاسى ەداۋىر ءوستى - 15,7 پايىزعا. جىلقى ەتى - 11,2 پايىزعا، شوشقا ەتى - 8,7 پايىزعا، سيىر ەتى - 8,6 پايىزعا قىمباتتادى.

قازاقستان رەسپۋبليكاسىنىڭ قالالارىندا قازاندا جىلقى ەتىنە ەڭ جوعارى باعا تىركەلدى - ورتاشا ەسەپپەن كەلىسىنە 2557 تەڭگە.

ودان كەيىن قوي ەتى (كەلىسى 2399 تەڭگە) جانە سيىر ەتى (كەلىسى 2234 تەڭگە). شوشقا ەتىنىڭ بولشەك ساۋداداعى باعاسى قازاقستان رەسپۋبليكاسى قالالارىندا ورتا ەسەپپەن كەلىسىنە 1808 تەڭگە، تاۋىق ەتى كەلىسىنە 1047 تەڭگە بولدى.

بۇل رەتتە، ەت پەن قۇس ەتىن، سونداي- اق ولاردان الىناتىن تاماق ونىمدەرىنىڭ ءوندىرىسى ءبىر جىلدا 6,4 پايىزعا ءوسىپ، بيىل قاڭتار- قىركۇيەكتە 250,7 مىڭ تونناعا جەتتى. ونىڭ 194,8 مىڭ تونناسى قۇس ەتى، 55,9 مىڭ تونناسى ءىرى قارا، ۇساق مال، شوشقا جانە جىلقى ەتى.

قۇس ەتىن ءوندىرۋ ۇلەسى تەك ءۇش وبلىستا 79 پايىز: الماتى (66,6 مىڭ توننا)، اقمولا (56 مىڭ توننا) جانە شىعىس قازاقستان (31,3 مىڭ توننا) وبلىستارى. وندىرىلگەن ەتتىڭ جارتىسىنان استامى دا تەك ءۇش وبلىس ۇلەسىندە: اقتوبە (14 مىڭ توننا)، قوستاناي (7,4 مىڭ توننا) جانە پاۆلودار (6,9 مىڭ توننا) وبلىستارى.

بۇعان دەيىن قازاقستاندا بيىلعى سەگىز ايدا ەت باعاسى 7,4 پايىزعا قىمباتتاعانى حابارلانعان بولاتىن.

سوڭعى جاڭالىقتار