10:33, 19 - قاراشا 2021 | GMT +6
قاسىم- جومارت توقايەۆ جۇمىس ساپارىمەن الماتى قالاسىنا كەلدى
الماتى. قازاقپارات - پرەزيدەنت قاسىم- جومارت توقايەۆ جۇمىس ساپارىمەن الماتى قالاسىنا كەلدى، دەپ حابارلايدى قازاقپارات.
بۇل جايىندا پرەزيدەنتتىڭ باسپا ءسوز حاتشىسى بەرىك ءۋالي ءمالىم ەتتى. مەملەكەت باسشىسى الماتى قالاسىنداعى رەزيدەنتسياسىندا ەلىمىزدىڭ قارجى سەكتورىنىڭ وكىلدەرىمەن كەزدەسۋ وتكىزەدى.
«بۇدان كەيىن پرەزيدەنت ءبىرقاتار الەۋمەتتىك، ءبىلىم بەرۋ مەكەمەلەرىن جانە باسقا دا نىسانداردى ارالاپ كورەدى، سونداي- اق قالاداعى جىلۋ ەلەكتر ورتالىقتارىنىڭ بىرىنە جۇرگىزىلىپ جاتقان قايتا جوندەۋ جۇمىستارىنىڭ بارىسىمەن تانىسادى دەپ جوسپارلانىپ وتىر» دەپ جازادى بەرىك ءۋالي Facebook پاراقشاسىندا.