ەربولات دوسايەۆ بيىل ىشكى جالپى ءونىمىنىڭ ءوسىمى قانشا پايىز بولعانىن ايتتى
بۇل تۋرالى سەناتتىڭ جالپى وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«2022-2024 -جىلدارعا ارنالعان رەسپۋبليكالىق بيۋدجەتتى قالىپتاستىرۋ ماقساتىندا دايىندالعان الەۋمەتتىك- ەكونوميكالىق دامۋ بولجامى الەمدىك جانە ۇلتتىق ەكونوميكالاردى بەلسەندى قالپىنا كەلتىرۋ ديناميكاسىنا سۇيەنەدى. مەملەكەت باسشىسىنىڭ ىسكە اسىرىلىپ جاتقان داعدارىسقا قارسى باستامالارى قىسقا مەرزىمدە ۇلتتىق ەكونوميكانى پاندەمياعا دەيىنگى دەڭگەيگە قايتارۋعا مۇمكىندىك بەردى. بيىلعى جىلعى 10 ايدىڭ قورىتىندىسى بويىنشا، مۇنايدىڭ ورتاشا باعاسى ءبىر باررەل ءۇشىن 70 ا ق ش دوللارى بولعان كەزدە قازاقستاننىڭ ىشكى جالپى ءونىمىنىڭ ءوسۋى 3,5 پايىز بولدى. بۇل سەرپىن قازاقستان ەكونوميكاسىن دامىتۋدىڭ وپتيميستىك ستسەنارييىنە سايكەس كەلەدى، بۇل رەتتە ۇلتتىق بانك ىشكى جالپى ءونىمنىڭ 2021 -جىلى 3,7-4,0 پايىز دەڭگەيىندە ءوسۋىن كۇتەدى»، - دەدى «2022-2024 -جىلدارعا ارنالعان رەسپۋبليكالىق بيۋدجەت تۋرالى» بايانداعان ەربولات دوسايەۆ.
ونىڭ اتاپ وتۋىنشە، الەمدىك جانە ۇلتتىق ەكونوميكالاردىڭ وسىنداي تەز قالپىنا كەلۋى جالعاسىپ كەلە جاتقان فيسكالدىق ىنتالاندىرۋ باعدارلامالارى مەن جەڭىل اقشا- كرەديت تالاپتارىنىڭ ناتيجەسىندە مۇمكىن بولدى. سونىمەن قاتار، بۇل فاكتورلار تۇتىنۋشىلىق سۇرانىستىڭ قالپىنا كەلۋىنە جانە الەمدە ينفلياتسيالىق قىسىمنىڭ ايتارلىقتاي وسۋىنە الىپ كەلدى.
«وسى جىلدىڭ باسىنان بەرى باعانىڭ ءوسۋى تاريحي ەڭ جوعارى كورسەتكىشتەردى جاڭارتۋدا. الەمنىڭ ءىرى ەكونوميكالارىندا ينفلياتسيا جاڭا ەڭ جوعارى كورسەتكىشتەرگە جەتتى: ا ق ش- تا ول 30 جىلدىق ەڭ جوعارى كورسەتكىش 6,2 پايىزعا دەيىن، ەۋرووداقتا 4,1 پايىزعا دەيىن جەتتى. جوعارى ينفلياتسيالىق قىسىم جاعدايىندا ا ق ش فەدەرالدى رەزەرۆتىك جۇيەسى مەن ەۋروپا ورتالىق بانكى ىنتالاندىرۋ ءىس- شارالارىن قىسقارتا باستادى. قىركۇيەكتە ەۋروپا ورتالىق بانكى وبليگاتسيالاردى ساتىپ الۋ كولەمىن قىسقارتۋ نيەتى تۋرالى جاريالادى. ا ق ش- تىڭ فەدەرالدى رەزەرۆتىك جۇيەسى بيىلعى جىلعى 3 -قاراشادا وسى جىلعى جەلتوقساننان باستاپ اي سايىن 15 ميلليارد ا ق ش دوللارىنا ساندىق جەڭىلدەتۋ باعدارلاماسىنىڭ قىسقارتىلا باستاعانى تۋرالى جاريالادى. رەسەيدە ينفلياتسيا بويىنشا 8,1 پايىز دەڭگەيىندەگى 5 جىلداعى ەڭ جوعارى كورسەتكىش اياسىندا ورتالىق بانك نەگىزگى ستاۆكانى بەلسەندى تۇردە كوتەرۋگە كىرىستى - ول بيىلعى جىلدىڭ باسىنان باستاپ 7,5 پايىزعا دەيىن 3,25 پايىزدىق تارماققا جيناقتالىپ كوتەرىلدى. قازاقستانعا اكەلىنەتىن تاۋار يمپورتىنداعى رەسەيدىڭ ۇلەسى 2020 -جىلدىڭ قورىتىندىسى بويىنشا 35,4 پايىزدان وسى جىلعى 9 ايدا 41,1 پايىزعا دەيىن ۇلعايعانىن ەسكەرە وتىرىپ، قازاقستانداعى باعالارعا سىرتقى قىسىم ءوستى»، - دەدى ۇ ب ءتوراعاسى.
اۆتور: مارلان جيەمباي