USD 434.84 EUR 498.2
RUB 5.72 CNY 68.47
جاڭالىقتار

استانادا اۆتوبۋس جۇرگىزۋشىسى جەتىسپەيدى

17 قاراشا 08:45
:ءبولىسۋ
استانادا اۆتوبۋس جۇرگىزۋشىسى جەتىسپەيدى

نۇر-سۇلتان.قازاقپارات -ەلورداداعى اۆتوپاركتەرگە 800 گە جۋىق جۇرگىزۋشى جەتىسپەيدى. سالدارىنان قوعامدىق كولىكتەر اراسىنداعى ينتەرۆال ۇزارعان. جولاۋشىلار ايالدامادا ۇزاق كۇتۋگە ءماجبۇر.

لىق تولى اۆتوبۋس، ايالدامادا ۇزاق كۇتۋ ەلوردا تۇرعىندارى ءۇشىن ۇيرەنشىكتى جاعدايعا اينالدى. جازدىڭ كۇنى اۋپىرىمدەپ امالدايدى، ال كۇن سۋىتقاندا قوعامدىق كولىكتى كۇتۋ ناعىز مۇڭ دەيدى، - تۇرعىندار. اۆتوبۋستى كۇتۋ ۇزاقتىعى 1 ساعاتقا دەيىن سوزىلعان كەزدەر بولاتىنىن دا جاسىرمايدى.

ساندۋعاش راحمەتوۆا، قالا تۇرعىنى:

- تاڭەرتەڭ اۆتوبۋستارعا سىيماي قالامىز. ادامداردىڭ سىيىمدىلىعى وتە جوعارى. اسىرەسە، ماڭگىلىك ەل داڭعىلى بويىندا. «ماڭگىلىك ەل» داڭعىلىنىڭ بويىندا اۆتوبۋستار جۇرەتىن ءبىر دە ءبىر جولاق جوق. اسىرەسە، كەپتەلىس قىزاتىن كەزدەردە ءبىز ءبىر ساعاتتاي جولدىڭ بويىندا تۇراتىن كەزدەرىمىز بولادى.

كۇن سايىن جۇرگىزۋشىلەر بەلگىلى ءبىر جوسپاردى ورىنداۋى كەرەك - ياعني 8 ساعات جولدا ءجۇرۋى ءتيىس. ءبىراق كادردىڭ جەتىسپەۋشىلىگىنەن ولار ادەتتەگىدەن ەكى ەسە كوپ جۇمىس ىستەيدى. ءقازىر ءبىر اۋىسىم 16 ساعاتقا سوزىلعان. جالاقى شامامەن 450 مىڭ تەڭگە.

ەربولات مۇقاجانوۆ، اۆتوبۋس جۇرگىزۋشىسى:

- بىزدەگى جولدار ستاندارتقا سايكەس كەلە بەرمەيدى. ءيا، اۆتوبۋس جولاعىن سالدى، ءبىراق ونىڭ ءوزى ماسەلەنى شەشپەي تۇر. كوبىنە جۇرگىزۋشىلەر جول بەرمەيدى. ءتىپتى، الدىمىزدان وراپ، جۇرۋگە كەدەرگى جاسايدى. سوندىقتان ايالداماعا كەشىگىپ كەلەمىز. وعان قوسا جۇرگىزۋشى جەتىسپەۋشىلىگى دە بار.

ەلوردالىق اۆتوپاركتە كادرلاردىڭ جەتىسپەۋشىلىگى 4 جىل بويى شەشىمىن تاپپاعان پروبلەما، - دەيدى كولىك كومپانياسى. ولار مۇنى جۇرگىزۋشىلەرگە قويىلاتىن تالاپ قاتاڭ بولۋىمەن بايلانىستىرادى. ياعني، اۆتوبۋس جۇرگىزۋشىسى بولىپ جۇمىسقا ورنالاسۋ ءۇشىن كەمىندە بەس جىل جۇمىس ءوتىلى بولۋى كەرەك. جانە D1 ساناتىنداعى كولىكتى باسقارۋى مىندەتتى.

ناۋات ازانبايەۆا «CTS» ج ش س قوعاممەن بايلانىس قىزمەتىنىڭ باسشىسى:

- 1400 جۇرگىزۋشى بار. ءبىر اۆتوبۋستا ءۇش جۇرگىزۋشى بولۋى كەرەك. ال قازىر ءبىر اۆتوبۋستا ەكى جۇرگىزۋشى عانا بار، ولارعا ۇلكەن تالاپتار قويىلىپ جاتىر. ەگەر جۇرگىزۋشى بولعىڭىز كەلسە، 5 -جىلداي تاجىريبەڭىز بولۋى قاجەت. ودان ءارى كاتەگوريا D بولۋى كەرەك. ول كاتەگوريامەن 5 جىل جۇمىس ىستەۋى كەرەك.

ماماندار كادر تاپشىلىعى تەك ەلوردادا عانا ەمەس، بۇكىل قازاقستان بويىنشا دا بايقالاتىنىن ايتىپ وتىر. سالدارىنان كەيبىر قالادا اۆتوپاركتەر جابىلۋعا ءماجبۇر بولعان. جۇرگىزۋشىنى جۇمىسقا الۋ تالاپتارىن وزگەرتپەسە، ماسەلە قاز- قالپىندا قالا بەرمەك.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات