سەناتورلار سولتۇستىك قازاقستانداعى كوشپەلى كەڭەستە قانداستارماسەلەلەرىن تالقىلادى

نۇر- سۇلتان. قازاقپارات - سەناتورلار، «ءوڭىر» دەپۋتاتتىق توبىنىڭ مۇشەلەرى ەرىك سۇلتانوۆ پەن ءالىمجان قۇرتايەۆ ەلىمىزدىڭ جۇمىس كۇشى كوپ وڭىرىندەگى ازاماتتاردى ەڭبەك كۇشىنە ءزارۋ وڭىرگە كوشىرۋ ماسەلەلەرىن قاراۋ جونىندەگى وتىرىسقا دايىندىق اياسىندا سولتۇستىك قازاقستان وبلىسىندا كەڭەس وتكىزدى،

دەپ حابارلايدى «حابار 24» سەناتتىڭ باسپا ءسوز قىزمەتىنە سىلتەمە جاساپ.

كەزدەسۋگە وبلىس اكىمى قۇمار اقساقالوۆ، جەرگىلىكتى اتقارۋشى ورگانداردىڭ وكىلدەرى، ءماسليحات دەپۋتاتتارى، اۋىل شارۋاشىلىعى تاۋارلارىن وندىرۋشىلەر مەن جۇرتشىلىق وكىلدەرى قاتىستى. كەڭەستە ءبىرقاتار وزەكتى ماسەلەلەر تالقىلاندى. اتاپ ايتقاندا، سەناتورلار قونىس اۋدارۋ باعدارلاماسىن ىسكە اسىرۋ بارىسىندا تۋىندايتىن پروبلەمالارعا باسا نازار اۋداردى.

«بۇگىنگى تاڭدا قونىس اۋدارۋشىلاردى كۆوتالار سانىن ۇلعايتۋ، اۋىل شارۋاشىلىعىنىڭ مۇقتاجىنا ارنالعان جەر ۋچاسكەلەرىن ءبولۋ، نەسيە دەمالىسىن بەرۋ سياقتى ماسەلەلەر ەرەكشە الاڭداتادى. سوندىقتان ءبىز بۇگىن ورتالىق مەملەكەتتىك ورگاندارمەن ناقتى شەشىمدەر ازىرلەۋ ءۇشىن وسى تاقىرىپتى قىزۋ تالقىلاۋدامىز»، - دەدى ءالىمجان قۇرتايەۆ.

كەڭەسكە قاتىسۋشىلار قانداستاردى ەلدىڭ وڭتۇستىگىنەن سولتۇستىگىنە كوشىرۋ جونىندەگى «اسار» پيلوتتىق جوباسىن سولتۇستىك قازاقستان وبلىسىندا ىسكە اسىرۋ مۇمكىندىگىن دە تالقىلادى. دۇنيەجۇزى قازاقتارىنىڭ قاۋىمداستىعى 2018 -جىلدان باستاپ وسى قاۋىمداستىق ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆتىڭ تىكەلەي قاتىسۋىمەن وسى جوبانى جۇزەگە اسىرىپ كەلەدى. «اسار» جوباسىنىڭ ناتيجەلى ىسكە اسىرۋ ارقاسىندا 25 مىڭنان استام قانداستى وزبەكستاننان كوشىرۋگە جانە شىمكەنت قالاسىندا بارلىق قاجەتتى جاعدايلاردى جاساۋعا مۇمكىندىك بەرگەنىن اتاپ ءوتۋ ماڭىزدى.

ەندى وسى اۋقىمدى جوبا اقمولا وبلىسىنىڭ ارشالى اۋدانىندا بەلسەندى ىسكە اسۋدا. وندا قانداستار ءوز قاراجاتى ەسەبىنەن 8 مىڭ ادامعا ارنالعان بىركەلكى 1282 كوتتەدج قۇرىلىسىن سالۋدا. سولتۇستىك قازاقستان وبلىسىندا دا وسىنداي باستامانى جۇزەگە اسىرۋعا دايىن.

«بۇگىن ءبىز ەلىمىزدىڭ وڭتۇستىگىنەن سولتۇستىگىنە قونىس اۋدارۋعا جانە ءوز قاراجاتى ەسەبىنەن ءۇي سالۋعا كىرىسۋگە دايىن 1861 وتباسىنىڭ نەمەسە 6549 ادامنىڭ ءتىزىمىن اكەلدىك. ءبىراق ولارعا قاجەتتى ينجەنەرلىك جانە الەۋمەتتىك ينفراقۇرىلىمى بار جەر ۋچاسكەلەرىن بەرۋ تۇرىندە قولداۋ جاساۋ قاجەت»، - دەدى زاۋىتبەك تۇرىسبەكوۆ ءوز سوزىندە.

كەڭەستى ق ر پارلامەنتى سەناتىنىڭ «ءوڭىر» دەپۋتاتتىق توبىنىڭ جەتەكشىسى ەرىك سۇلتانوۆ قورىتىندىلادى.

«قونىس اۋدارۋ ماسەلەسى وتە وزەكتى جانە ونىڭ ساياسي، ەكونوميكالىق، الەۋمەتتىك جانە مادەني ماڭىزى زور. زاڭ شىعارۋشى جانە اتقارۋشى بيلىكتىڭ ءوزارا بەلسەندى ءىس- قيمىلى وسى باعىتتاعى پروبلەمالاردى شەشۋدە ناقتى تاسىلدەر ازىرلەۋگە مۇمكىندىك بەرەدى دەپ سەنەمىن»، - دەدى ول. سەناتورلار - «ءوڭىر» دەپۋتاتتىق توبىنىڭ مۇشەلەرى مەن دۇنيەجۇزى قازاقتارى قاۋىمداستىعىنىڭ وكىلدەرى جۇمىس ساپارىنىڭ ەكىنشى كۇنى پەتروپاۆل قالاسىنىڭ «سولنەچنىي» جانە «يۋجنىي» شاعىن اۋداندارىنداعى قونىس اۋدارۋشىلارعا ءۇي سالۋعا ارنالعان اۋماق رەتىندەگى جەر ۋچاسكەلەرىمەن تانىستى. ولار بولاشاق قونىس اۋدارۋشىلار جۇمىس ىستەي الاتىن الەۋمەتتىك نىساندار مەن كاسىپورىندارعا دا باردى.