USD 434.84 EUR 498.2
RUB 5.72 CNY 68.47
جاڭالىقتار

توبەسىنە مەتال كونسترۋكسيا قۇلاعان استانالىق ايەل ءالى رەانيماتسيادا جاتىر

10 قاراشا 20:56
:ءبولىسۋ
توبەسىنە مەتال كونسترۋكسيا قۇلاعان استانالىق ايەل ءالى رەانيماتسيادا جاتىر

نۇر-سۇلتان. قازاقپارات - ەلوردادا توبەسىنە مەتال كونسترۋكسيا قۇلاپ، زارداپ شەككەن ايەل 20 كۇننەن بەرى رەانيماتسيادا جاتىر.

بۇل تۋرالى اقپارات نۇر-سۇلتان قالاسى قوعامدىق دەنساۋلىق ساقتاۋ باسقارماسىنان كەلىپ ءتۇستى، دەپ حابارلايدى قازاقپارات ءتىلشىسى.

«ناۋقاس ءالى كۇنگە دەيىن رەانيماتسيا بولىمىندە جاتىر. جاعدايى اۋىر»، - دەپ حابارلادى باسقارمادان.

ەسكە سالا كەتەيىك، 22- قازان كۇنى نۇر-سۇلتاندا كوپقاباتتى ءۇي شاتىرىنان مەتال كونسترۋكتسيا قۇلادى.

وقىس وقيعا سالدارىنان 56 جاستاعى ايەل ءتۇرلى جاراقات الىپ، جانساقتاۋ بولىمىنە ءتۇستى.

سونداي-اق، قالالىق پوليتسيا دەپارتامەنتى بولعان وقيعاعا قاتىستى ق ر قىلمىستىق كودەكسىنىڭ 306-بابىنا سايكەس سوتقا دەيىنگى تەرگەۋ امالدارىنىڭ باستالعانىن حابارلادى.

كەيىن ەلوردانىڭ قوعامدىق دەنساۋلىق ساقتاۋ باسقارماسى ناۋقاستىڭ وتە اۋىر حالدە ەكەنىن جانە وعان ءتيىستى مەديتسينالىق كومەكتىڭ كورسەتىلىپ جاتقانىن مالىمدەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات