نۇر-سۇلتاندا جىل سوڭىنا دەيىن ءبىر ميلليوننان استام جاسىل جەلەك وتىرعىزىلادى
جوسپار بويىنشا 2021-جىلدىڭ سوڭىنا دەيىن 1042468 دانا تال وتىرعىزىلادى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
وتىرعىزىلاتىن ءبىر ميلليوننان اسا جاسىل جەلەكتىڭ ىشىندە 890151 ءى- كوشەت. كوكتەمگى تال وتىرعىزۋ اياسىندا جوسپارلانعان جىلدىق كولەمنەن وتىرعىزىلعان جاسىل جەلەكتەردىڭ سانى 489290 دانانى (%45) قۇرادى، ونىڭ ىشىندە قالا اۋماعىنا - 37024 دانا جاسىل جەلەك جانە ەلوردانىڭ «جاسىل بەلدەۋى» اۋماعىنا - 452266 كوشەت وتىرعىزىلدى.
ال كۇزگى كوشەت وتىرعىزۋ وسى جىلدىڭ 15- قىركۇيەگىندە باستالدى. ونىڭ بارىسىندا 553178 دانا جاسىل جەلەك وتىرعىزۋ جوسپارلانعان. ال 15- قىركۇيەكتەن بەرى قالا اۋماعىندا 115293 دانا اعاش وتىرعىزىلدى. ولاردىڭ اراسىندا قىزىل تال، تاتار ۇيەڭكىسى، شىرشا، قاراعاي، قايىڭ، ەمەن جانە ت. ب. بار.
اۋدان اكىمدەرىنىڭ اپپاراتتارى مىناداي جۇمىس جۇرگىزدى:
«الماتى» اۋدانىندا - 4499 دانا اعاش، 730 دانا بۇتا، 980 پ/م بۇتالى قورشاۋ؛
«بايقوڭىر» اۋدانىندا - 615 دانا اعاش، 875 دانا بۇتا، 17600 پ/م بۇتالى قورشاۋ؛
«ەسىل» اۋدانىندا - 8910 دانا اعاش، 11022 دانا بۇتا، 4520 پ/م بۇتالى قورشاۋ؛
«سارىارقا» اۋدانىندا - 1791 دانا اعاش، 20 دانا بۇتا.
اعاش وتىرعىزۋ - كەز كەلگەن نىسان سالىنعاننان كەيىن مىندەتتى تۇردە ىسكە اسۋى ءتيىس جۇمىستىڭ ءبىرى.
ماسەلەن: كولىك جانە جول-كولىك ينفراقۇرىلىمىن دامىتۋ باسقارماسى اۆتوموبيل جولدارىن سالۋ جانە رەكونسترۋكسيالاۋ اياسىندا 35481 دانا اعاش وتىرعىزدى؛ قالالىق ورتا ساپاسى جانە باقىلاۋ باسقارماسىنىڭ دەرەكتەرى بويىنشا م ت ج، ب و، س و و، س ءۇ جانە ت. ب. وبەكتىلەرىن سالۋ كەزىندە - 36350 دانا اعاش وتىرعىزىلدى؛
قورشاعان ورتانى قورعاۋ جانە تابيعاتتى پايدالانۋ باسقارماسى ساياباقتار، سكۆەرلەر سالۋ بارىسىندا 500 دانا اعاش پەن وتەمدىك وتىرعىزۋ اياسىندا 14500 دانا اعاش وتىرعىزدى.
نۇر-سۇلتان قالاسىنىڭ اكىمدىگى ەلوردا ىرگەسىندەگى «جاسىل بەلدەۋ» اۋماعىنا ەرەكشە كوڭىل بولەدى. كۇزگى اعاش وتىرعىزۋ بارىسىندا «جاسىل بەلدەۋگە» 437885 دانا كوشەت ەگىلەدى.
كۇزگى وتىرعىزۋ جۇمىستارى اياسىندا بارلىعى 576278 دانا اعاش جانە بۇتا، 32453 پ/م بۇتالى قورشاۋ وتىرعىزىلدى.