قازاقستان شەت مەملەكەتتەرگە اپتاسىنا قانشا اۆيارەيس ورىندايدى

نۇر- سۇلتان. قازاقپارات - قازاقستاندا ىشكى اۆيارەيستەر تولىعىمەن قالپىنا كەلتىرىلدى.

ال شەت مەملەكەتتەرگە اپتاسىنا 57 باعىتتا 744 رەيس ورىندايدى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات.

جىل باسىنان بەرى سالادا بىلتىرمەن سالىستىرعاندا كورسەتكىشتەر ءبىرشاما ارتقان.

«2021 -جىلدىڭ توعىز ايىندا تاسىمالدانعان جولاۋشىلار سانى %81 ارتىپ، 6,9 ميلليون ادامعا جەتتى. اۋەجايلاردا قىزمەت كورسەتىلگەن جولاۋشىلار سانى %70 ارتىپ، 12,6 ميلليون ادام (2020 -جىلدىڭ 9 ايىندا - 7,4 ميلليون ادام، 2019 -جىلدىڭ 9 ايىندا - 12,3 ميلليون ادام) بولدى. بۇگىنگى تاڭدا ىشكى رەيستەر تولىقتاي قالپىنا كەلتىرىلدى (اپتاسىنا 57 باعىتتا 744 رەيس). سونداي-اق 23 مەملەكەتپەن (تۇركيا، كورەيا، ب ا ءا، بەلارۋس، ۋكراينا، گەرمانيا، وزبەكستان، قىرعىزستان، مىسىر، رەسەي، گرۋزيا، تاجىكستان، پولشا، نيدەرلاند، چەرنوگوريا، ارمەنيا، ۇلىبريتانيا، ۆەنگريا، مالديۆ، ازەربايجان، كاتار، شري-لانكا، تايلاند) اراداعى حالىقارالىق رەيستەر (اپتاسىنا 63 باعىتتا 247 رەيس) قايتا اشىلدى»، - دەلىنگەن تاراتىلعان مالىمەتتە.

اقپاراتقا سايكەس، ورتاشا ەسەپپەن العاندا ىشكى باعىتتاردا كۇنىنە 106 رەيس، حالىقارالىق باعىتتار بويىنشا 35 رەيس ورىندالادى.