ەلوردا تۇرعىنى جالعا العان كولىكتى ساتىپ جىبەرگەن
تەرگەۋ بارىسىندا جابىرلەنۋشى اۆتوكولىكتەردى ساتۋ سايتىنان «تويوتا كامري 70» ماركالى كولىكتىڭ 12 ميلليون تەڭگەگە ساتىلىپ جاتقانى تۋرالى جارنامانى كورگەنى انىقتالدى.
ساتۋشىسى كولىگىن شۇعىل اقشا قاجەت بولعان سوڭ ارزان باعاعا ساتىپ جاتقانىن ايتقان.
كولىكتى قاراپ شىققان جابىرلەنۋشى ونى 11 ميلليون 700 مىڭ تەڭگەگە ساتىپ الماق بولىپ، كەلىسىپ، سول مەزەتتە 11 ميلليون تەڭگەسىن بەرەدى.
ال كۇدىكتى كولىكتىڭ كىلتىن تابىستاپ، ماشينانى قالعان سومانى بەرگەن سوڭ قايتا راسىمدەۋگە ۋادە ەتكەن.
تەرگەۋ كەزىندە الاياقتىڭ اتالعان كولىكتى جالعا الىپ، كەيىن ساتىلاتىنى تۋرالى حابارلاندىرۋ بەرگەنى انىقتالعان.
ەلوردا پوليتسەيلەرى جەدەل-ىزدەۋ شارالارى بارىسىندا بۇرىن سوتتالعان 36 جاستاعى ەر ادامدى الماتى قالاسىنان ۇستادى.
ول ۋاقىتشا ۇستاۋ اباقتىسىنا قامالدى. ق ر قىلمىستىق كودەكسىنىڭ 190-بابى بويىنشا سوت الدىنداعى تەرگەۋ امالدارى جۇرگىزىلۋدە.
قازىرگى كەزدە پوليتسەيلەر كۇدىكتىنىڭ ارەكەتىن زارداپ شەككەن ادامداردى انىقتاۋ ۇستىندە.
نۇر-سۇلتان قالاسىنىڭ پوليتسيا دەپارتامەنتى ازاماتتاردى كولىك ساتىپ الۋ كەزىندە قۇجاتتارعا مۇقيات بولۋ قاجەتتىگىن ەسكەرتەدى.