دوكتورانتۋراعا ءتۇسۋ ءۇشىن قانداي قۇجاتتار كەرەك؟
قۇجات قابىلداۋ 2021-جىلدىڭ 15- قاراشاسىنا دەيىن جالعاسادى.
دوكتورانتۋراعا ءتۇسۋ ءۇشىن قاجەتتى قۇجاتتار ءتىزىمى:
1) ءبىلىمى تۋرالى قۇجات (ءتۇپنۇسقا، قۇجاتتاردى قابىلداۋ كوميسسياسىنا تاپسىرعان كەزدە)؛
2) جەكە باسىن كۋالاندىراتىن قۇجات (جەكە باسىن سايكەستەندىرۋ ءۇشىن تالاپ ەتىلەدى)؛
3) شەت ءتىلىن مەڭگەرگەنىن راستايتىن سەرتيفيكات:
اعىلشىن ءتىلى: IELTS Academic (International English Language Testing System Academic) شەكتى بال - كەمىندە 5,5؛
TOEFL IBT (test of English as a Foreign Language Internet-based test) شەكتى بال - كەمىندە 46؛
TOEFL PBT (test of English as a Foreign Language Paper-based test) شەكتى بال - كەمىندە 453؛
نەمىس ءتىلى: Deutsche Sprachpruەfung fuەr den Hochschulzugang (DSH، Niveauv2/B2 دەڭگەيى)، TestDaF- Prufung (Niveau B2/B2 دەڭگەيى)؛
فرانسۋز ءتىلى: TFI (test de Franzais International™️) - وقۋ جانە تىڭداۋ سەكسيالارى بويىنشا ۆ2 دەڭگەيىنەن تومەن ەمەس، DELF (Diplome d ' Etudes en Langue franzaise) - B2 دەڭگەيى، DALF (Diplome Approfondi de langue franzaise) - ۆ2 دەڭگەيى، TCF (test de connaissance du franzais) - كەمىندە 50 بال؛
4) 075/ۋ نىسانىنداعى مەديتسينالىق انىقتاما؛
5) 3x4 كولەمىندەگى التى فوتوسۋرەت؛
6) كادرلاردى ەسەپكە الۋ جونىندەگى جەكە ءىس پاراعى نەمەسە جۇمىس ورنى بويىنشا كادر قىزمەتى كۋالاندىرعان ەڭبەك قىزمەتىن راستايتىن وزگە دە قۇجات؛
7) سوڭعى كۇنتىزبەلىك 3 جىلداعى عىلىمي جانە عىلىمي-ادىستەمەلىك جۇمىستاردىڭ ءتىزىمى (عىلىمي جاريالانىمدار، زەرتتەۋلەر جۇرگىزۋ جوسپارى، ەسسە جانە باسقا قۇجاتتار).
ەستەرىڭىزگە سالا كەتەيىك، بۇعان دەيىن ءبىلىم جانە عىلىم ءمينيسترى اسحات ايماعامبەتوۆ ماگيستراتۋرا مەن دوكتورانتۋراعا وقۋعا ءتۇسۋ بويىنشا وزگەرىستەر ەنگىزىلگەنى تۋرالى جازعان بولاتىن. ەندى قۇجاتتاردى قابىلداۋ جىلىنا ەكى رەت جۇرگىزىلەدى. كونكۋرسقا جازدا گرانتقا تۇسە الماعان ۇمىتكەرلەر دە، بۇرىن-سوڭدى ءتۇسۋ ەمتيحانىن تاپسىرا الماعاندار دا قاتىسا الادى.
بيىل دوكتورانتۋراعا ءتۇسۋ ەرەجەلەرىنە وزگەرىستەر ەنگىزىلگەن بولاتىن. ەندى دوكتورانتۋراعا قابىلداۋ «1 وقۋعا ءتۇسۋشى - 1 كومپيۋتەر - 1 كامەرا» قاعيداتى بويىنشا وڭىرلىك تەستىلەۋ ورتالىقتارىندا ەلەكتروندىق فورماتتا وتەتىن ءتۇسۋ ەمتيحانىنىڭ ناتيجەلەرى بويىنشا جۇزەگە اسىرىلادى. شارا ەمتيحان تاپسىرۋ كەزىندە اشىقتىقتى جانە ترانسپارەنتتىلىكتى قامتاماسىز ەتۋگە باعىتتالعان.
قابىلداۋ ەمتيحانى ەسسە جازۋ، دوكتورانتۋرادا وقۋعا دايىندىق تەستىلەۋى جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحانداردان تۇرادى.
ەكىنشى ءتۇسۋ ەمتيحانىنا قاتىسۋعا تىركەلۋ ق ر ب ع م ۇلتتىق تەستىلەۋ ورتالىعىنىڭ app.testcenter.kz (http://app.testcenter.kz/) سايتىندا جۇرگىزىلەدى.
قابىلداۋ ەمتيحانى 2021-جىلدىڭ 18- قاراشاسىنان 11- جەلتوقسانىنا دەيىن وتەدى.
ايتا كەتەيىك، مەملەكەتتىك ءبىلىم بەرۋ تاپسىرىسى بويىنشا جانە اقىلى نەگىزدە وقۋعا ءتۇسۋ ءۇشىن ءوتۋ بالى 75 بالدى قۇرايدى. دوكتورانتۋراعا وقۋعا قابىلداۋ 2021 -جىلعى 26- جەلتوقسان مەن 10- قاڭتار ارالىعىندا وتەدى.
massaget.kz