USD 429.57 EUR 447.35
RUB 6.94 CNY 63.23
جاڭالىقتار

دوكتورانتۋراعا ءتۇسۋ ءۇشىن قۇجاتتار قابىلداۋ باستالدى

1 قاراشا 12:56
:ءبولىسۋ
دوكتورانتۋراعا ءتۇسۋ ءۇشىن قۇجاتتار قابىلداۋ باستالدى

نۇر-سۇلتان. قازاقپارات - بۇگىن، 1-قاراشا كۇنى دوكتورانتۋراعا ءتۇسۋ ءۇشىن ەكىنشى ەمتيحانعا قۇجاتتاردى قابىلداۋ باستالدى.

بۇل تۋرالى ق ر ءبىلىم جانە عىلىم مينيسترلىگىنەن ءمالىم ەتتى، دەپ حابارلايدى قازاقپارات. قۇجاتتار 2021 -جىلدىڭ 15-قاراشاسىنا دەيىن قابىلدانادى. ەسكە سالايىق، بۇعان دەيىن ءبىلىم جانە عىلىم ءمينيسترى اسحات ايماعامبەتوۆ ماگيستراتۋرا مەن دوكتورانتۋراعا وقۋعا ءتۇسۋ بويىنشا وزگەرىستەر ەنگىزىلگەنى تۋرالى جازعان بولاتىن. ەندى قۇجاتتاردى قابىلداۋ جىلىنا ەكى رەت جۇرگىزىلەدى. كونكۋرسقا جازدا گرانتقا تۇسە الماعان ۇمىتكەرلەر دە، بۇرىن- سوڭدى ءتۇسۋ ەمتيحانىن تاپسىرا الماعاندار دا قاتىسا الادى.

«بيىل دوكتورانتۋراعا ءتۇسۋ ەرەجەلەرىنە وزگەرىستەر ەنگىزىلگەن بولاتىن. ەندى دوكتورانتۋراعا قابىلداۋ «1 وقۋعا ءتۇسۋشى - 1 كومپيۋتەر - 1 كامەرا» قاعيداتى بويىنشا وڭىرلىك تەستىلەۋ ورتالىقتارىندا ەلەكتروندىق فورماتتا وتەتىن ءتۇسۋ ەمتيحانىنىڭ ناتيجەلەرى بويىنشا جۇزەگە اسىرىلادى. شارا ەمتيحان تاپسىرۋ كەزىندە اشىقتىقتى جانە ترانسپارەنتتىلىكتى قامتاماسىز ەتۋگە باعىتتالعان»، - دەدى مينيسترلىكتەن.

قابىلداۋ ەمتيحانى: ەسسە جازۋ، دوكتورانتۋرادا وقۋعا دايىندىق تەستىلەۋى جانە ءبىلىم بەرۋ باعدارلاماسى توبىنىڭ بەيىنى بويىنشا كەزەڭدەردەن تۇرادى. ەكىنشى ءتۇسۋ ەمتيحانىنا قاتىسۋعا تىركەلۋ قر بعم ۇلتتىق تەستىلەۋ ورتالىعىنىڭ app.testcenter.kz سايتىندا جۇرگىزىلەدى. قابىلداۋ ەمتيحانى 2021 -جىلدىڭ 18-قاراشاسىنان 11-جەلتوقسانىنا دەيىن وتەدى.

ايتا كەتەيىك، مەملەكەتتىك ءبىلىم بەرۋ تاپسىرىسى بويىنشا جانە اقىلى نەگىزدە وقۋعا ءتۇسۋ ءۇشىن ءوتۋ بالى 75 بالدى قۇرايدى. دوكتورانتۋراعا وقۋعا قابىلداۋ 2021 -جىلعى 26-جەلتوقسان مەن 10-قاڭتار ارالىعىندا وتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات