+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

سىرىم اۋدانىندا پوليتسيا ينسپەكتورى مال ۇرلادى دەگەن ايىپپەن ۇستالدى

28 قازان 11:41
:ءبولىسۋ
سىرىم اۋدانىندا پوليتسيا ينسپەكتورى مال ۇرلادى دەگەن ايىپپەن ۇستالدى

ورال. قازاقپارات - سىرىم اۋدانىندا ۋچاسكەلىك پوليتسيا ينسپەكتورى مال ۇرلادى دەگەن ايىپپەن ۇستالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتى اتالعان قىزمەتكەردىڭ قاماۋعا الىنعانىن راستادى. «قازىرگى كەزدە ق ر ق ك 188-بابى 1-بولىگىنە سايكەس (مال ۇرلىعى) سوتقا دەيىنگى تەرگەۋ امالدارى جۇرگىزىلۋدە. ءىس بويىنشا باسقا قىزمەتكەرلەر ءوتىپ جاتقان جوق»، دەپ حابارلادى ۆەدومستۆودان.

اۋدان ورتالىعى جىمپيتى اۋىلى تۇرعىندارىنىڭ سوزىنە قاراعاندا، بارلىعى ەلۋ شاقتى مال جوعالعان. پوليتسياعا وننان استام ادام جۇگىنگەن. ولارعا 15 ميلليون تەڭگە زالال كەلتىرىلگەن.

تۇرعىندار بيىل كوكتەمدە شارۋا قوجالىعىنا قوسىپ قويعان مالىنان ايىرىلىپ قالعان. مال ۇرلىعىنا قوجالىق باسشىسىنىڭ ارالتوبە اۋىلىندا ۋچاسكەلىك پوليتسيا ينسپەكتورى بولىپ جۇمىس جاسايتىن ۇلى دا ارالاسقان. كەيىن باقتاشى پوليتسياعا كەلىپ «ۇرلىققا پوليتسيا كاپيتانىنىڭ قاتىسى بولعانىن» ايتىپ، ءوزىن «ۇرىپ- سوقتى» دەپ مالىمدەگەن.

«بۇل اڭگىمە ساۋىردە باستالعان. مالىمىز قايتپاعاننان كەيىن وبلىستىق پوليتسيا دەپارتامەنتى باستىعىنىڭ قابىلداۋىنا دەيىن باردىق. كوپ مالى جوعالعاندار بار. مەنىڭ ءۇش مالىم كەتتى. قازىر ەكەۋىن مالداي، بىرەۋىن اقشالاي قايتارىپ الدىم. سول سەبەپتى كەشە پوليتسەيدىڭ اكەسى كەلگەننەن كەيىن تالابىم جوق دەپ، كەلىسىمگە كەلدىم»، دەدى قازاقپارات تىلشىسىنە جىمپيتى اۋىلىنىڭ تۇرعىنى، زەينەتكەر كيم فەديانين.

اۆتور: ەلجان ەرالى



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات