+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الماتى وبلىسىنداعى جاپپاي توبەلەس: قازىر جاعداي تۇراقتى

28 قازان 10:50
:ءبولىسۋ
الماتى وبلىسىنداعى جاپپاي توبەلەس: قازىر جاعداي تۇراقتى

تالدىقورعان. قازاقپارات - الماتى وبلىسىنىڭ پانفيلوۆ اۋدانى پەنجىم اۋىلىندا جاپپاي توبەلەس بولىپ، ءبىر ءجاسوسپىرىم اۋرۋحاناعا ءتۇستى، دەپ حابارلايدى قازاقپارات.

جاپپاي توبەلەستىڭ ۆيدەوسى الەۋمەتتىك جەلىدە تارادى. جاعدايدى الماتى وبلىسىنىڭ پوليتسيا دەپارتامەنتى راستادى.

«27- قازان كۇنى پانفيلوۆ اۋداندىق ورتالىق اۋرۋحاناسى پەنجىم اۋىلىنداعى مەكتەپ اۋماعىنان 16 جاسار ءجاسوسپىرىم دەنە جاراقاتىمەن كەلىپ تۇسكەن. تەكسەرۋ بارىسىندا 9 جانە 10-سىنىپتا وقيتىن ەكى وقۋشىنىڭ اراسىندا اۋىزشا داۋ- داماي تۋىپ، ونىڭ سوڭى وقۋشىلار اراسىنداعى توبەلەسكە ۇلاسقانى جانە ونىڭ سالدارىنان ءجاسوسپىرىمنىڭ زارداپ شەككەنى بەلگىلى بولدى» دەلىنگەن حابارلامادا.

اتالعان فاكتى بويىنشا ق ر ق ك 106-بابىنىڭ 2-بولىگى نەگىزىندە قىلمىستىق ءىس تىركەلدى، جانجالعا قاتىسۋشىلاردىڭ بارلىعى انىقتالدى.

قازىرگى ۋاقىتتا زارداپ شەگۋشىنىڭ جاعدايى تۇراقتى، وعان قاجەتتى مەديتسينالىق كومەك كورسەتىلدى. اۋىل ازاماتتارى مەن اۋدان اكىمى، اقساقالدار جانە الماتى وبلىسى پ د باستىعى تاراپىنان كەزدەسۋلەر مەن ءتۇسىندىرۋ جۇمىسى جۇرگىزىلدى.




:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات