قاراعاندىدا اتىس بولدى

قاراعاندى. قازاقپارات - قاراعاندىدا اتىس بولدى. الەۋمەتتىك جەلىدە ەكى ەر ادام اراسىندا جانجال بولىپ، قاقتىعىس سوڭى قارۋدان وق اتۋمەن اياقتالعانى تۋرالى بەينە جاريالاندى، دەپ حابارلايدى قازاقپارات ءتىلشىسى.

الەۋمەتتىك جەلىلەردە تاكسي كولىگىنىڭ جانىندا ەكى ەر ادامنىڭ اراسىندا اتىس بولعانى تۋرالى ۆيدەو پايدا بولدى . كادرلاردا ەكى بەلگىسىز ەر ادامدار اراسىندا قاقتىعىس بولعانىن كورۋگە بولادى. سوزگە كەلىسكەندەر سوڭىندا توبەلەسە باستادى. ناتيجەسىندە ولاردىڭ ءبىرى قارۋ الىپ شىعىپ، قارسىلاسىنا بىرنەشە رەت وق اتقان. وقيعانىڭ نەدەن باستالعانىن جانە جابىرلەنۋشىنىڭ جاعدايى قانداي ەكەنى ءالى بەلگىسىز. پوليسيا ءمان- جايدى انىقتاپ جاتىر.

«اعىمداعى جىلدىڭ 27-قازانىندا ساعات 22.10 شاماسىندا 35 جاستاعى تاكسي جۇرگىزۋشىسى مەن ونىڭ 55 جاستاعى جولاۋشىسى اراسىندا توبەلەس بولدى. فاكت پوليتسيادا تىركەلگەن. قازىرگى ۋاقىتتا وقيعانىڭ ءمان- جايى انىقتالۋدا. ونىڭ سەبەپتەرى تۋرالى قوسىمشا حابارلايمىز»، - دەپ حابارلادى قاراعاندى وبلىسى پ د باسپا ءسوز قىزمەتى.