الماتىداعى كاسىپكەرلەرگە قانداي كومەك كورسەتىلىپ جاتىر

None
None
الماتى. قازاقپارات - الماتى قالاسى كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى قاليبەك اقىلبەكوۆ وڭىرلىك كوممۋنيكاتسيالار قىزمەتىنىڭ بريفينگىندە «بيزنەستىڭ جول كارتاسى» باعدارلاماسى قالاي جۇزەگە اسىپ جاتقانى تۋرالى ايتىپ بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، الماتى كاسىپكەرلەرىنە قارجىلاي كومەك كورسەتۋ كولەمى جىل سايىن ارتىپ كەلەدى. سونىمەن قاتار، ول ق ر پرەزيدەنتى قاسىم- جومارت توقايەۆتىڭ تاپسىرماسى بويىنشا «بيزنەستىڭ جول كارتاسى» مەملەكەتتىك باعدارلاماسى ودان ءارى داميتىنىن اتاپ ءوتتى.

«ءبىزدىڭ قالامىزدا بيزنەسكە بارلىق دەڭگەيدە قولداۋ كورسەتىلەدى: وقىتۋ، كەڭەس بەرۋ، ينفراقۇرىلىمدىق، قارجىلىق. جىل سايىن «بيزنەستىڭ جول كارتاسى» باعدارلاماسىنىڭ بيۋدجەتى ءوسىپ، ءۇش جىلدا 31 ميلليارد تەڭگەگە جەتتى. بيىل بيۋدجەت 17,7 ميلليارد تەڭگە بولدى. بۇل وتكەن جىلمەن سالىستىرعاندا 2,2 ەسە كوپ»، - دەدى كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى. بولىنگەن قاراجاتتىڭ 690 ميلليونى قايتارىمسىز گرانتتارعا، قالعاندارى سۋبسيديالاۋعا جانە ءىشىنارا كەپىلدەندىرۋگە باعىتتالدى.

سپيكەر بۇگىنگى تاڭدا 154 ميلليارد تەڭگە نەسيە سوماسىنا 2332 جوبا ماقۇلدانعانىن تىلگە تيەك ەتتى. باعدارلامانىڭ ارقاسىندا 1600 دەن استام جۇمىس ورنى اشىلدى.

«بۇل رەتتە جوبالاردىڭ ەڭ كوپ سانى ساۋدا سالالارىندا %17، اكىمشىلىك جانە قوسالقى قىزمەت كورسەتۋدە %15، ونەركاسىپتە - %13 قارجىلىق قولداۋ الدى. بۇدان باسقا، جوبالاردىڭ %60 ى نەگىزگى قۇرالداردى، ءۇي- جايلاردى، جابدىقتاردى ساتىپ الۋعا قارجىلاندىرىلادى. ساۋدا سالاسىندا نەسيەلەر اينالىم قاراجاتىنا الىنادى»، - دەپ ءتۇسىندىردى ول.

قاليبەك اقىلبەكوۆ قاراشا ايىندا رەسپۋبليكالىق بيۋدجەتتەن «بيزنەستىڭ جول كارتاسى» باعدارلاماسى بويىنشا 1 ميلليارد تەڭگە كولەمىندە قوسىمشا قارجى ءبولۋ جوسپارلانعانىن اتاپ ءوتتى. وسىلايشا، مەملەكەت بيزنەسكە قولداۋ كورسەتۋدى جالعاستىرادى، بۇل پاندەميا كەزىندە وتە ماڭىزدى. كاسىپكەرلىك جانە ينۆەستيتسيالار باسقارماسى باسشىسى ورىنباسارىنىڭ ايتۋىنشا، قولدانىستاعى ءتۇرلى باعدارلامالاردىڭ ارقاسىندا الماتى كاسىپكەرلەرى ەكونوميكالىق بەلسەندىلىكتى جالعاستىرۋدا، جۇمىسسىزدىققا جول بەرىلمەيدى.
«ءبىزدىڭ قالامىزدا داعدارىسقا قارسى ءتۇرلى شارالار جۇزەگە اسىرىلۋدا، ولاردىڭ ءبىرى - شاعىن جانە ورتا بيزنەس سۋبەكتىلەرىنە مەملەكەتتىك گرانتتار ۇسىنۋ. ەگەر 2018-2019 -جىلدارى جىل سايىنعى بيۋدجەت 145 ملن تەڭگەنى قۇراسا، ورتا ەسەپپەن 80 جوبا قارجىلاندىرىلسا، 2020 -جىلى پاندەميا كەزىندە قارجىلاندىرۋ سوماسى 5 ملن تەڭگەگە دەيىن ءوستى»، - دەدى سپيكەر.

بىلتىر جەرگىلىكتى بيۋدجەتتەن 705 ميلليون تەڭگە ءبولىندى. بيىل دا سونشا قارجى قاراستىرىلدى.

«كوكتەمدە ءبىرىنشى كەزەڭدە 421 جوبا قارالىپ، 513 ميلليون تەڭگەگە 162 جوبا قولداۋ تاپتى، ونىڭ ىشىندە حالىقتىڭ الەۋمەتتىك وسال توپتارى ساناتى بويىنشا - 106 جوبا. نەگىزىنەن ونەركاسىپ سالاسىنداعى جوبالار قارجىلاندىرىلدى، ولار شامامەن 69 پايىز. قازىرگى ۋاقىتتا گرانتتاردى كونكۋرستىق ىرىكتەۋدىڭ ەكىنشى كەزەڭى ءجۇرىپ جاتىر. بۇگىندە 1300 ءوتىنىم كەلىپ ءتۇستى»، - دەدى قاليبەك اقىلبەكوۆ.

ۆەدومستۆو وكىلىنىڭ ايتۋىنشا، الماتىلىق كاسىپكەرلەر ەكونوميكالىق ءوسىم قارقىنىن جەدەلدەتىپ، جاڭا جۇمىس ورىندارىن اشادى.

«2020 -جىلى قارجىلاندىرىلعان جوبالار مونيتورينگىنىڭ ناتيجەلەرى بويىنشا قازىرگى ۋاقىتتا جوبالاردىڭ شامامەن %30 ى ىسكە قوسىلدى، 105 جۇمىس ورنى اشىلدى ، - دەپ اتاپ ءوتتى سپيكەر.

سوڭعى جاڭالىقتار