قانداي ەلدەردىڭ ۆاكسينا پاسپورتتارى قازاقستان اۋماعىندا جارامدى؟

نۇر-سۇلتان. قازاقپارات - ق ر باس مەملەكەتتىك سانيتاريالىق دارىگەرىنىڭ جاڭا قاۋلىسىنا سايكەس ءبىرقاتار ەلدىڭ ۆاكسينا پاسپورتتارى قازاقستان رەسپۋبليكاسىنىڭ اۋماعىندا جارامدى، دەپ حابارلايدى قازاقپارات.

«ارگەنتينا رەسپۋبليكاسىندا، ماجارستاندا، گرۋزيادا، يران يسلام رەسپۋبليكاسىندا، يوردانيادا، قىرعىز رەسپۋبليكاسىندا، مالديۆ رەسپۋبليكاسىندا، موڭعوليادا، ارمەنيا رەسپۋبليكاسىندا، بەلارۋس رەسپۋبليكاسىندا، مولدوۆا رەسپۋبليكاسىندا، سان-مارينو رەسپۋبليكاسىندا، ءۇندىستان رەسپۋبليكاسىندا، فيليپپين رەسپۋبليكاسىندا، تايلاندتا، تۇركيا رەسپۋبليكاسىندا جانە ەستونيا رەسپۋبليكاسىندا بەرىلگەن ازاماتتاردىڭ ۆاكسيناتسيا پاسپورتتارى/سەرتيفيكاتتارى/انىقتامالارى قازاقستان رەسپۋبليكاسىنىڭ اۋماعىندا جارامدى دەپ تانىلسىن»، - دەلىنگەن قاۋلى ماتىنىندە.