+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاندا اتوم ەلەكتر ستانسياسىن سالۋ ماسەلەسى زەرتتەلىپ جاتىر

27 قازان 18:50
:ءبولىسۋ
قازاقستاندا اتوم ەلەكتر ستانسياسىن سالۋ ماسەلەسى زەرتتەلىپ جاتىر

نۇر- سۇلتان. قازاقپارات - قازاقستاندا اتوم ەلەكتر ستانسياسىن (ا ە س) سالۋ ماسەلەسى زەرتتەلىپ جاتىر. بۇل تۋرالى ەنەرگەتيكا ءبىرىنشى ۆيتسە- ءمينيسترى مۇرات جۇرەبەكوۆ ايتىپ بەردى، دەپ حابارلايدى قازاقپارات ءتىلشىسى.

«مەملەكەت باسشىسى ءوز جولداۋىندا وسى ماسەلەنى ءبىر جىلدا پىسىقتاۋدى تاپسىردى. قازىر ءبىز بۇل جونىندە بەلسەندى جۇمىس ىستەپ جاتىرمىز. ياعني، ءبىزدىڭ جۇمىسىمىز - وسىنداي جوبالاردى ىسكە اسىرۋ ءۇشىن قاجەتتى كريتەرييلەردى ەسكەرە وتىرىپ، ەل اۋماعىندا ا ە س سالاتىن ورىندى انىقتاۋ. ءبىز سونداي- اق حالىقارالىق ساراپشىلارمەن، سونىڭ ىشىندە تەحنولوگيا، قۋات بويىنشا كونسۋلتاتسيالار جۇرگىزۋدەمىز. بىزدە تاپشىلىق بولا ما، ەگەر بولسا، قاي جىلى جانە قانداي كولەمدە بولاتىنىن انىقتاۋ ءۇشىن ەلەكتر تۇتىنۋ مەن ەلەكتر ءوندىرىسىنىڭ تەڭگەرىمىنە قارايمىز. بۇل جۇمىستاردىڭ بارلىعى قازىر كەشەندى تۇردە جۇرگىزىلۋدە»، - دەدى مۇرات جۇرەبەكوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، سپيكەر ا ە س- كە قاتىستى ماسەلەلەر حالىقارالىق ساراپشىلارمەن بىرگە تالقىلاناتىنىن اتاپ ءوتتى. ونىڭ ايتۋىنشا، ءبىر جىل ىشىندە ۆەدومستۆو ماسەلەنى ودان ءارى ىسكە اسىرۋ بويىنشا ءوز پايىمىن ۇسىنادى.

ايتا كەتەيىك، پرەزيدەنت قاسىم- جومارت توقايەۆ بيىلعى جولداۋىندا 2030 -جىلعا قاراي ەلەكتر ەنەرگياسىنىڭ تاپشىلىعى سەزىلەتىنىن، الەمدىك تاجىريبە ەڭ وڭتايلى جول - بەيبىت اتومدى ۇسىنىپ وتىرعانىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات