قاتونقارايدا تۋريستىك كەشەن سالىنادى

None
None
نۇر- سۇلتان. قازاقپارات - شىعىس قازاقستان وبلىسىندا قاتونقاراي تۋريستىك كەشەنى سالىنادى. بۇل تۋرالى ق ر ۇلتتىق ەكونوميكا ءمينيسترى اسەت ەرعاليەۆ ايتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرى اراب ينۆەستورلارمەن جاسالعان كەلىسىمدەر قانداي سالالارعا اسەر ەتىندىگىن سۇرادى.

«ەلەكتر ەنەرگەتيكاسىنان باسقا اۋىل شارۋاشىلىعى، فراماتسيەۆتيكا، تۋرزيم، كولىك جانە لوگيستيكا سالالارى بار. اگروونەركاسىپ كەشەنىنە 50 ميلليون دوللاردان استام ينۆەستيتسيا تارتىلادى. جىل سايىن 8 مىڭ توننادان استام قوي ەتى شىعارىلاتىن بولادى. بۇل كەلەشەكتە ەلىمىزدە اۋىل شارۋاشىلىعى سالاسىنداعى ەكسپورتتى ارتتىرۋعا مۇمكىندىك بەرەدى. ال تۋريزم سالاسىن ايتاتىن بولساق، شىعىس قازاقستان وبلىسىندا قاتونقاراي تۋريستىك كەشەنى سالىنادى. وسى جوباعا 120 ميلليون دوللار ينۆەستيتسيا تارتىلادى. فارماتسيەۆتيكا باعىتىندا اراب كومپانيالارىمەن ىنتىماقتاستىق ەلىمىزدى قولجەتىمدى ءدارى- دارمەكپەن قامتاماسىز ەتۋگە جاعداي جاسايدى. كولىك جانە لوگيستيكا بويىنشا قازاقستاننىڭ كوتەرمە تاراتۋ ورتالىقتارى جەلىسىن دامىتۋعا مۇمكىندىك بەرەدى. وسى ينۆەستيتسيالىق جوبالار ازاماتتارىمىزدى جاڭا جۇمىس ورىندارىمەن قامتاماسىز ەتەدى»، - دەدى مينيستر.

ايتا كەتەيىك، 2021 -جىلعى 9-10- قازاندا ق ر پرەمەر- ءمينيسترى اسقار مامين بىرىككەن اراب امىرلىكتەرىنە جۇمىس ساپارىمەن باردى.

كەلىسسوزدەر قورىتىندىسى بويىنشا ەكونوميكانىڭ باسىم سالالارىندا جوبالاردى دامىتۋ بويىنشا ۇزاق مەرزىمدى ستراتەگيالىق ارىپتەستىك ورناتۋ جونىندەگى ۇكىمەتارالىق كەلىسىمگە قول قويىلدى. قۇجات قر ۇلتتىق ەكونوميكاسىنىڭ ەنەرگەتيكالىق، اگروونەركاسىپتىك، كولىك- لوگيستيكالىق، فارماتسيەۆتيكالىق جانە قارجى سەكتورلارىنداعى جوبالاردى ىسكە اسىرۋعا باعىتتالعان، ينۆەستيتسيالاردىڭ جالپى كولەمى 6 ميلليارد دوللاردان اسادى.

اۆتور: مارلان جيەمباي

سوڭعى جاڭالىقتار