قازاق- اراب بىرلەسكەن ەنەرگەتيكالىق حولدينگى قۇرىلادى
ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرى اراب امىرلىكتەرىمەن بىرگە قۇرىلاتىن ەنەرگەتيكالىق حولدينگتىڭ قۇرىلىمى قانداي بولاتىندىعىن سۇراعان ەدى.
«ەنەرگەتيكالىق حولدينگتى «استانا» حالىقارالىق قارجى ورتالىعىنىڭ نەگىزىندە قۇرۋدى كوزدەپ وتىرمىز. بۇل قۇرىلىمنىڭ اياسىندا ەكى سۋب حولدينگ پايدا بولادى. ونىڭ ءبىرى قازىر قولدانىستاعى ەلەكتر- ەنەرگەتيكا نىساندارىن جاڭارتۋ جوبالارىنا ينۆەستيتسيا قۇيادى. ال ەكىنشىسى جاڭارتىلاتىن ەنەرگيا كوزدەرى سالاسىنداعى جاڭا جوبالاردى جۇزەگە اسىرۋعا قاتىستى ءىس- شارالارمەن اينالىسادى. ەنەرگەتيكالىق حولدينگتى ارناۋلى كوميتەت باسقارادى. ونىڭ قۇرامىنا قازاقستاندىق جانە اراب كومپانيايالارى مەن قورلارىنىڭ وكىلدەرى كىرەدى ءارى باسقارۋمەن اينالىسادى»، - دەدى ەرنار ءجانادىل.
اۆتور: مارلان جيەمباي