شەتەلدە قازاق ءتىلدى قانشا ب ا ق جۇمىس ىستەيدى
«دۇنيەءجۇزى قازاقتارىنىڭ قۇرىلتايىندا ق ر تۇڭعىش پرەزيدەنتى- ەلباسى قانداستار ماسەلەسىن ۇنەمى كوتەرىپ كەلەدى. مەملەكەت باسشىسى قاسىم- جومارت توقايەۆ تا شەتەلدەگى قانداستاردى وتانعا قايتارۋعا قاتىستى ءبىرقاتار تاپسىرمانى جۇكتەدى. وسى باعىتتا ءبىزدىڭ قوردىڭ دا ءوز مىندەت- ماقساتى بار. ءبىز ەلىمىزدىڭ سىرتقى ىستەر، اقپارات جانە قوعامدىق دامۋ مينيسترلىكتەرىمەن بىرلەسىپ جۇمىس ىستەپ جاتىرمىز. كەڭەس وداعى قۇلدىراعان كەزدە قازاقستاننان تىس جەردە 5 ميلليوننان استام قازاق تۇرعان دەيدى. قازىرگى تاڭدا كەيبىر ساراپتامالىق مالىمەتتەرگە سايكەس الەمنىڭ 40-تان استام ەلىندە قانداس باۋىرلارىمىز تۇرىپ جاتىر. سونىمەن قاتار بۇگىندە شەتەلدە قازاقءتىلدى 88 ب ا ق جۇمىس ىستەپ تۇر. ونىڭ بارلىعىمەن بايلانىس ورناتىلعان. اسىرەسە، موڭعوليا، تۇركيا جانە وزبەكستانداعى قازاق ءتىلدى ب ا ق وكىلدەرىمەن تىعىز بايلانىستامىز»، - دەدى ماعاۋيا سارباسوۆ.
بۇعان دەيىن قوردىڭ ۆيسە- پرەزيدەنتى شەتەلدەگى 1 ميلليونعا جۋىق قانداسىمىز ەلگە ورالۋعا نيەتتى ەكەنىن جەتكىزدى.
ودان بولەك، شەتەلدەگى قانداستاردى ەلگە اكەلۋدىڭ تۇجىرىمداماسى ازىرلەنىپ جاتقاندىعى ايتىلدى.
اۆتور: ءالي يبرايەۆ