شەتەلدەگى قانداستاردى ەلگە اكەلۋدىڭ تۇجىرىمداماسى ازىرلەنىپ جاتىر
«مەملەكەت باسشىسى بيىلعى جولداۋىندا قانداستاردىڭ كوشى- قون ساياساتىنىڭ تۇجىرىمداماسىن ازىرلەۋ تۋرالى تاپسىرما بەردى. قولعا الىنعان 2022-2026 -جىلدارعا ارنالعان جاڭا تۇجىرىمدامادا شەتەلدەگى قانداستارمەن الەۋمەتتىك جانە ءبىلىم بەرۋ سالاسى بويىنشا جۇمىستاردى جانداندىرۋ مىندەتى تۇر. جانە دە شەتەلدەگى قازاق دياسپورالارىمەن مادەني بايلانىستى ىلگەرىلەتۋ جوسپارى تۇر.
جالپى تاۋەلسىزدىك العالى شەتەلدەگى قانداستار ماسەلەسى ۇنەمى نازاردا، بۇل باعىتتا مەملەكەت تاراپىنان ءتيىستى قولداۋ جاسالىپ جاتىر.
ءبىزدىڭ قوردىڭ نەگىزگى 4 جۇمىس باعىتى بار. الدىمەن، سىرتتاعى قانداستاردىڭ ۇلتتىق بىرەگەيلىگىن ساقتاۋ. ەلگە كەلگەن قانداستارىمىزدىڭ وتانىنا بەيىمدەلۋىنە جاعداي جاساۋ. ۇشىنشىدەن، شەتەلدەگى قانداستاردى ەلگە قايتارۋ ماسەلەسىنە تالداۋ جۇرگىزۋ ياعني زەرتتەۋ. ءتورتىنشى باعىت - شەتەلدەگى قانداستارمەن اسىرەسە جاستارمەن بايلانىس ورناتۋ»، - دەدى ماعاۋيا سارباسوۆ.
بۇعان دەيىن «وتانداستار قورىنىڭ» ۆيسە- پرەزيدەنتى شەتەلدەگى 1 ميلليونعا جۋىق قانداسىمىز ەلگە كوشىپ كەلۋگە نيەتتى ەكەنىن جەتكىزدى.
اۆتور: ءالي يبرايەۆ