+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ءبىر ميلليونعا جۋىق قانداس ەلگە كوشىپ كەلۋگە نيەتتى - وتانداستار قورى

27 قازان 15:47
:ءبولىسۋ
ءبىر ميلليونعا جۋىق قانداس ەلگە كوشىپ كەلۋگە نيەتتى - وتانداستار قورى

نۇر- سۇلتان. قازاقپارات - شەتەلدەگى 1 ميلليونعا جۋىق قانداس قازاقستانعا كوشىپ كەلۋگە نيەتتى. بۇل تۋرالى «وتانداستار قورى» كەاق ۆيتسە- پرەزيدەنتى ماعاۋيا سارباسوۆ ءمالىم ەتتى، دەپ حابارلايدى قازاقپارات ءتىلشىسى.

«ق ر اقپارات جانە قوعامدىق دامۋ مينيسترلىگىنىڭ تاپسىرماسىنا سايكەس ءبىز قانداستارعا ارنالعان «ەرۋلىك» اتتى جاڭا سايت اشتىق. سايت قازاق جانە ورىس تىلدەرىندە، لاتىن جانە توتە جازۋ نۇسقالارىندا اقپارات تاراتىپ جاتىر. مۇنداعى ماقسات - وتانعا كوشىپ كەلۋگە نيەتتى قانداستاردى اقپاراتپەن قامتۋ. وسى ورايدا، ەلىمىزدە سىرتتان كەلگەن قانداستار ءجيى ورنالاساتىن اقمولا، قوستاناي، پاۆلودار، سولتۇستىك قازاقستان جانە شىعىس قازاقستان وبلىستارىنىڭ الەۋمەتتىك- ەكونوميكالىق دامۋ كورسەتكىشى كوشىپ كەلۋدى جوسپارلاعان قانداستارعا اقپارات تۇرىندە ۇسىنىلىپ وتىر. ياعني قانداستار الدىن الا قايدا كەلەتىنىن، ول جەردەگى جول قانداي، مەكتەپ بار ما جانە تاعى باسقا ماڭىزدى جايتتارمەن الدىن الا تانىسا الادى»، - دەدى م. سارباسوۆ.

سونداي- اق قوردىڭ ۆيتسە- پرەزيدەنتى قازىرگى تاڭدا 1 ميلليونعا جۋىق قانداس ەلگە كوشىپ كەلۋگە نيەتتى ەكەنىن ايتتى.

«بۇگىندە قانداستارىمىزدىڭ اتالعان سايتقا كىرۋ، وقۋ ديناماكاسى ارتىپ كەلەدى. اسىرەسە قىتاي، رەسەي، يران، موڭعوليا، وزبەكستان، ۇلى بريتانيا مەن گەرمانياداعى قانداستارىمىزدىڭ ەرۋلىك سايتىنا ءجيى كىرەتىنى بايقالىپ وتىر. دەمەك اتالعان ەلدەردەگى قانداستارىمىز وتانىنا كەلۋگى قىزىعۋشىلىق تانىتادى دەگەن ءسوز. بىزدەگى ساراپتامالىق تالداۋعا سۇيەنسەك، بۇگىندە 1 ميلليونعا جۋىق قانداسىمىز ەلگە كوشىپ كەلۋگە نيەتتى. كاراتيندىك تالاپتار جەڭىلدەتىلىپ، شەكارالار اشىلسا كوش ۇلعايادى دەگەن ۇمىتتەمىز»، - دەيدى ول.

ايتا كەتسەك، بۇگىن قازاقستاندا شەتەلدەگى ءقازاقتىلدى بۇقارالىق اقپارات قۇرالدارىنىڭ باسىن بىرىكتىرگەن اسسوتسياتسيا قۇرىلدى.

اتالعان قوعامدىق ۇيىمعا قر پارلامەنتى سەناتىنىڭ دەپۋتاتى، قوعام قايراتكەرى نۇرتورە ءجۇسىپ ءتوراعالىق ەتەدى.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات