شەتەلدەگى قازاق ءتىلدى ب ا ق قاۋىمداستىعىنىڭ ءتوراعاسى تاعايىندالدى

نۇر-سۇلتان. قازاقپارات - بۇگىن قازاقستاندا شەتەلدەگى قازاق ءتىلدى بۇقارالىق اقپارات قۇرالدارىنىڭ باسىن بىرىكتىرگەن اسسوتسياتسيا قۇرىلدى.

اتالعان قوعامنىڭ ۇيىمنىڭ ءتوراعاسى بولىپ ق ر پارلامەنتى سەناتىنىڭ دەپۋتاتى، قوعام قايراتكەرى نۇرتورە ءجۇسىپ تاعايىندالدى، دەپ حابارلايدى قازاقپارات ءتىلشىسى.

«سىرتتاعى قانداستارىمىزدىڭ اۋىزبىرشىلگىنىڭ بەرىك بولۋىنا «وتانداستار» قورىنىڭ قوسىپ جاتقان ۇلەسى زور. بۇگىنگى قاۋىمداستىقتىڭ قۇرىلۋى - سونىڭ دالەلى. بۇل باستامانى ەرتەرەك قولعا الۋ كەرەك ەدى، دەگەنمەن يگى ءىستىڭ ەرتە-كەشى جوق. جاڭا شەتەلدەگى باۋىرلارىمىزدى تىڭداپ، ار جاقتا بولسا دا وتانعا دەگەن ىڭكارلىگىن سەزىپ وتىرمىز. الداعى ۋاقىتتا جاڭادان قۇرىلىپ وتىرعان شەتەلدەگى قازاق ءتىلدى ب ا ق قاۋىمداستىعىنىڭ جۇمىسىنىڭ ىلگەرىلەۋىنە ءبارىمىز ءبىراۋىزدان اتسالىسساق دەيمىن. مىسالى، كورشى رەسەيدە قازاقشا ب ا ق-تار وتە بەلسەندى جۇمىس ىستەيدى. ولار جىل سايىن سوچي جانە باسقا دا قالالاردا باس قوسىپ، ءوزارا تاجىريبە الماسىپ جاتادى. ءتۇرلى فورۋم، جيىندار وتكىزىپ تۇرادى. ول جەردە قانداستارىمىز ءوز ماسەلەلەرىن ورتاعا سالىپ، سونىڭ شەشىمىن ىزدەيدى. وسى باعىتتاعى جۇمىستى باسقا ەلدەردە دە دامىتۋ قاجەت. الدا ءبىزدى ءبىراز شارۋا كۇتىپ تۇر، باستامامىز ساتىمەن بولسىن»، - دەدى نۇرتورە ءجۇسىپ. بۇعان دەيىن حابارلاعانىمىزداي، بۇگىن قازاقستاندا شەتەلدەگى قازاق ءتىلدى بۇقارالىق اقپارات قۇرالدارىنىڭ باسىن بىرىكتىرگەن اسسوتسياتسيا قۇرىلدى.

اۆتور: ءالي يبرايەۆ