قاراعاندىدا قاراشا ايىندا قايتا ۆاكسيناتسيالاۋ باستالادى
ول سونداي-اق رەاۆكسيناتسيانى جۇرگىزۋ ءتارتىبى جانە قاراعاندىلىقتاردىڭ قانداي پرەپاراتتار الاتىنى تۋرالى ايتىپ بەردى، دەپ حابارلايدى قازاقپارات ءتىلشىسى.
قاراعاندى قالاسىنىڭ №3-ەمحاناسىنىڭ دارىگەرى ايسۇلۋ بيكەنوۆانىڭ ايتۋىنشا، قاراعاندىدا رەۆاكسيناتسيا قاراشانىڭ ءۇشىنشى ونكۇندىگىندە باستالادى، سەبەبى ۆاكسيناتسيا ناۋقانى باستالعاننان بەرى جەتكىلىكتى ۋاقىت وتكەن.
«ءبىرىنشى كەزەكتە رەۆاكسيناتسيا كوروناۆيرۋسقا قارسى ۆاكسينانىڭ ەكى دوزاسىن العاندارعا ارنالعان. ەندى حاتتاماعا سايكەس، بۇرىن «سپۋتنيك- V» سياقتى ۆەكتورلىق ۆاكسينانى العاندار Vero Cell سياقتى بەلسەندى ەمەس ۆاكسينانى الۋى كەرەك. رەۆاكسيناتسيا ۋاقىتىنا كەلەتىن بولساق- ۆەكتورلىق ۆاكسينانىڭ ەكىنشى دوزاسىن العان ساتتەن باستاپ 9-ايدى ەسەپتەۋ قاجەت، ال ەگەر ۆاكسينا يناكتيۆاتسيالانعان بولسا، وندا ەكىنشى رەت ەگۋدى 6 ايدان كەيىن الۋعا بولادى»، - دەپ حابارلادى ايسۇلۋ بيكەنوۆا.
دارىگەرلەر تۇسىندىرگەندەي، رەۆاكسيناتسيا كەزىندە پاتسيەنتتەر باسقا ماركالى ۆاكسينانىڭ ءبىر دوزاسىن الادى. ولاردىڭ ايتۋىنشا، انتيدەنەلەر جاقسى دامۋى ءۇشىن قاراما- قايشى رەۆاكسيناتسيا جاساۋ كەرەك.
«بۇرىن بەلسەندى ەمەس ۆاكسينا سالۋعا كەڭەس بەرىلگەن ادامداردا يممۋنيتەت پايدا بولدى، سوندىقتان ۆەكتوردى الۋ وڭايىراق بولادى. ەگەر ادام قاۋىپ توبىنا كىرمەسە، وندا ول انتيدەنەلەردى تەكسەرىپ، ونى جالپى تاجىريبەلىك دارىگەرگە اپارا الادى جانە ول سىزگە رەۆاكسيناتسيا جاساۋ قاجەت پە، جوق پا سونى ءتۇسىندىرىپ ايتادى. ادەتتە رەۆاكسيناتسيا جاساۋعا انتيدەنە دەڭگەيى كەم دەگەندە 30 IgM- دەن تومەن بولماعاندا كەڭەس بەرەدى»، - دەيدى ايسۇلۋ بيكەنوۆا.
ءبىرىنشى كەزەكتە مەديتسينالىق ۇيىم قىزمەتكەرلەرى، پوليتسيا قىزمەتكەرلەرى، مۇمكىندىگى شەكتەۋلى ادامدار، ديسپانسەرلىك ەسەپتە تۇرعان ادامدار اراسىندا رەۆاكسيناتسيا جۇرگىزىلەدى. ول ءۇشىن ەمحانالاردىڭ مەديتسينالىق قىزمەتكەرلەرى وقۋ كۋرسىنان ءوتتى، وندا ولارعا رەۆاكسيناتسيا كەزىندە ۆاكسينانىڭ ءبىر دوزاسىمەن قالاي ەگۋ كەرەكتىگى ءتۇسىندىرىلدى. سونداي-اق، ەكپە كابينەتىنىڭ قىزمەتكەرلەرى ءۇشىن بۇرىن قاراعاندىدا بولماعان Pfizer ۆاكسيناسىن قولدانۋ بويىنشا نۇسقاۋلىق وتكىزىلدى.
«بۇل ۆاكسينا ساقتاۋ تەمپەراتۋراسىمەن ەرەكشەلەنەدى - مينۋس 60-70 گرادۋس. ەگەر ءسىز ونى «سپۋتنيكپەن» سالىستىرساڭىز، وندا ساقتاۋ جانە تاسىمالداۋ كامەرالارىندا ايىرماشىلىقتار بار. ول ۇزاق ەريدى جانە ءبىر امپۋلا 5 ەمەس، 6 ادامعا ارنالعان. Pfizer ۆاكسيناسى «سپۋتنيك- V» العان ادامدارعا ەگىلەدى. ال العاش رەت Pfizer ۆاكسيناسىن تەك جۇكتى، بالا ەمىزەتىن ايەلدەر مەن 12 جاستان اسقان بالالار عانا الادى»، - دەپ ءتۇسىندىردى №3 ەمحانانىڭ دارىگەرى.
ازىرگە قالا ەمحانالارىندا «سپۋتنيك-ۆ»، Vero Cell جانە QazVac سياقتى ۆاكسينالار بار. ەندى جوعارىدا اتالعان توپتار عانا ەمەس، بارلىق ادامدار دا قايتا ۆاكسيناتسيادان وتە الادى. دارىگەرلەر الدىڭعى ەكى ۆاكسينانىڭ اسەرىن بەكىتۋ ءۇشىن قايتا ەكپە الۋدى ۇسىنادى. ءبىراق ادامدار ءۇشىنشى ۆاكسينادان كەيىن قانشا ۋاقىت رەۆاكسيناتسيالانبايتىنى ازىرگە بەلگىسىز.
اۆتور: اگاتا مۋحامەدجانوۆا