شەتەلدە قازاقشا شىعاتىن ب ا ق اسسوتسياتسياسى قۇرىلدى
«ءبىزدىڭ قوردىڭ ماقساتى - شەتەلدەگى قانداستاردىڭ باسىن بىرىكتىرۋ. وسى ورايدا ب ا ق-تىڭ دا ءرولى ەرەكشە. بىزدەگى مالىمەت بويىنشا، الەم ەلدەرىندە 88 قازاق ءتىلدى ب ا ق جۇمىس ىستەپ جاتىر. اسسوتسياتسيا قۇرۋداعى ماقسات - قازاقشا ب ا ق- تىڭ اياسىن كەڭەيتۋ، شەتەلدەگى قانداستارىمىزعا انا تىلىندە اقپارات الۋىنا مۇمكىندىك جاساۋ. سونىمەن قاتار جالپى قازاق ءتىلىن دارىپتەۋ. اسسوتسياتسيانى قۇرۋدىڭ ارقاسىندا سىرتتاعى باۋىرلارىمىز ەلدە بولىپ جاتقان جاڭالىقتاردان تىكەلەي حاباردار بولىپ وتىرادى. ياعني قازاقستانداعى حابارلاردى شەتەلگە جەتكىزۋ، تيىسىنشە شەتەلدەگى قانداستاردىڭ تىنىس- تىرشىلىگىمەن قازاقستاندىقتاردى تانىستىرۋ»، - دەدى «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ.
ونىڭ ايتۋىنشا، شەتەلدەگى ب ا ق قاۋىمداستىعىنىڭ جۇمىس جوسپارى بەكىتىلەدى.
«سونىمەن قاتار اسسوتسياتسيا قۇرامىنا وتاندىق جانە شەتەلدىك ب ا ق وكىلدەرىن مۇشە ەتىپ قابىلدايمىز. سول ارقىلى بىرلەسكەن ءبىرقاتار شارا ۇيىمداستىرۋ ويىمىز بار. وتاندىق باق پەن شەتەلدەگى قازاق ءتىلدى ب ا ق-تىڭ ەكىجاقتى قارىم-قاتىناسىن نىعايتا تۇسسەك دەگەن نيەت بار. مىسالى، وتكەن جىلى موڭعولياداعى «Kaznews» اقپارات پورتالىنىڭ ءتىلشىسى «ۇركەر» سىيلىعىن جەڭىپ الدى. بۇل - وتە قۋانتارلىق جاعداي. مىنە، وسى باعىتتاعى جۇمىستى جالعاستىرۋىمىز كەرەك»، - دەيدى ول.
اۆتور: ءالي يبرايەۆ