ءازىلقوي اقتوبەلىك قىلمىستىق جازاعا تارتىلادى
23 -قازاندا ساعات 22.24-تە اقتوبە قالاسى پ ب ج ب و «102» تەلەفونىنا ەر ادام قوڭىراۋ شالىپ، «ترويا» ءدامحاناسىنا بومبا قويعانىن حابارلادى.
بارلىق شۇعىل قىزمەتتەر مەن ساپەرلەر توبى دەرەۋ وقيعا ورنىنا بارىپ، ءدامحانادا جارىلعىش قۇرىلعىلارعا تەكسەرۋ ۇيىمداستىردى. ءدامحاناعا كەلگەن 87 ادام مەن قىزمەتكەرلەر ەۆاكۋاتسيالاندى. جارىلعىش قۇرىلعى تابىلعان جوق. جەدەل-ىزدەستىرۋ ءىس-شارالارىن جۇرگىزۋ بارىسىندا تەرروريزم اكتىسى تۋرالى كورىنەۋ جالعان حابارلاما جاسادى دەگەن كۇدىكپەن پاترۋلدىك پوليتسيا قىزمەتكەرلەرى قوبدا اۋدانىنىڭ 27 جاستاعى تۇرعىنىن انىقتاپ، ۇستادى.
ول قالجىڭداپ ايتقانىن ءتۇسىندىردى. اتالعان فاكتى نەگىزىندە ق ر ق ك-نىڭ 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا سوتقا دەيىنگى تەرگەۋ باستالدى. كۇدىكتى ۋ ۇ ي- عا قاماۋعا الىندى. وسى باپتىڭ سانكسياسى بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.