پاۆلوداردا تۇرعىن ءۇي اۋلاسىندا شۋلاماۋ تۋرالى ءوتىنىش توبەلەسكە ۇلاستى - ۆيدەو

None
None
نۇر-سۇلتان. قازاقپارات - پاۆلوداردا تۇندە تۇرعىن ءۇي اۋلاسىندا توبەلەس شىعارعاندار پىشاق جاراقاتىن الىپ اۋرۋحاناعا جەتكىزىلدى، - دەپ حابارلايدى Tengrinews.kz ءتىلشىسى.

توبەلەس پاۆلوۆا كوشەسىندەگى تۇرعىن ءۇي اۋلاسى ماڭىندا بولعان. وقيعا ورنىنان تۇسىرىلگەن كادرلار «شوك تيپيچنوگو پاۆلودارا» تەلەگرام- ارناسىندا جاريالانعان. ۆيدەودان بىرنەشە ەر ادام سوزگە كەلىسپەي ارتى توبەلەسكە ۇلاسقانىن كورۋگە بولادى. وسى كەزدە پوليتسيا قىزمەتكەرلەرى كەلىپ ولاردى اجىراتادى.

ۆيدەو سيپاتتاماسىنداعى مالىمەتكە سۇيەنسەك، ءتۇن ورتاسىندا گيتارا ويناپ، اۋلاعا قوقىس تاستاعان جاستارعا ءۇي تۇرعىنى ەسكەرتۋ جاساعاننان كەيىن باستالعان.

بۇل اقپاراتتى پاۆلودار وبلىسىنىڭ پوليتسيا دەپارتامەنتى باسپا ءسوز قىزمەتى راستادى.

«ولار تۇرعىنداردىڭ تىنىشتىعىن بۇزىپ، ىشىمدىك ىشكەن. ءۇي تۇرعىندارىنىڭ ءبىرى ولارعا ەسكەرتۋ جاساعان. سول كەزدە ارادا جانجال شىعىپ، سوڭى توبەلەسكە ۇلاسقان. ەكى ادام پىشاقتالعان»، - دەدى ۆەدومستۆونىڭ باسپا ءسوز قىزمەتى وكىلدەرى.

ءتۇرلى جاراقات العان ەكى جابىرلەنۋشى دە اۋرۋحاناعا جەتكىزىلدى. توبەلەسكە قاتىسۋشىلاردىڭ ءبىرى 34 جاستاعى تۇرعىن ەكەنى انىقتالعان. وبلىستىق دەنساۋلىق ساقتاۋ باسقارماسى مالىمەتىنشە، ەر ادامعا شۇعىل تۇردە وتا جاسالعان.

دەرەككە قاتىستى «ەكى ادامعا قاتىستى دەنساۋلىققا قاساقانا اۋىر زيان كەلتىرۋ» بابى بويىنشا سوتالدى تەرگەۋ امالدارى جۇرگىزىلىپ جاتىر. وندا 6 جىلدان 10 جىلعا دەيىن باس بوستاندىعىنان ايىرۋ جازاسى قاراستىرىلعان.


سوڭعى جاڭالىقتار