+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

دانيار ەلەۋسىنوۆ الەم چەمپيونى اتاعىنا تالاسادى

27 قازان 11:56
:ءبولىسۋ
دانيار ەلەۋسىنوۆ الەم چەمپيونى اتاعىنا تالاسادى

نۇر-سۇلتان. قازاقپارات - قازاقستاندىق كاسىپقوي بوكسشى دانيار ەلەۋسىنوۆ تولىققاندى الەم چەمپيونى اتانۋ مۇمكىندىگىنە يە بولدى - ريو-2016 وليمپياداسىنىڭ چەمپيونى جارتىلاي ورتا سالماقتاعى IBO بەلبەۋى ءۇشىن جۇدىرىقتاسادى.

بۇل تۋرالى بوكسشىنىڭ مەنەدجەرى زيا اليەۆ Vesti.kz سايتىنا بەرگەن سۇحباتىندا ايتتى.

«سەنساتسيا بولاتىن جاڭالىعىمىز بار. ونى بارشا قازاقستاندىق بوكس جانكۇيەرىمەن بولىسەمىز. وليمپيادا چەمپيونى دانيار ەلەۋسىنوۆ بيىل تاريحتا قالادى. ول جارتىلاي ورتا سالماقتاعى IBO تۇجىرىمى بويىنشا نەگىزگى چەمپيوندىق بەلبەۋ ءۇشىن جۇدىرىقتاسادى. جەكپە- جەك 18-جەلتوقساندا نۇر-سۇلتاننىڭ Jekpe-Jek ارەناسىندا وتەدى.

بۇل بوكس كەشى قازاقستان تاۋەلسىزدىگىنىڭ 30 جىلدىعىنا ارنالعان، ەلىمىزدىڭ بارشا ازاماتى ءۇشىن باعا جەتپەس سىيلىق بولارى حاق. بۇل - قازاقستاننىڭ ۇزدىك بوكسشىلارى جۇدىرىقتاساتىن الەمدىك دەڭگەيدەگى بوكس كەشى. دانيار الەم چەمپيونى بولۋ ءۇشىن نەگىزگى جەكپە- جەكتە بار كۇشىن سالادى. IBO رەسمي تۇردە راستادى. قارسىلاستىڭ ەسىمى جاقىن ارادا بەلگىلى بولادى، رەسمي مالىمدەمە جاسايمىز»، - دەدى زيا اليەۆ.

ەسكە سالايىق، 18-جەلتوقساندا نۇر-سۇلتاندا ۇلكەن بوكس كەشى وتەدى. ەلەۋسىنوۆ كاسىپقوي بوكستاعى قازاقستاندىق بەسىنشى الەم چەمپيونى بولۋى مۇمكىن. بۇعان دەيىن گەننادي گولوۆكين (قازىرگى - IBF، IBO)، بەيبىت شۇمەنوۆ، جانات جاقيانوۆ جانە ۆاسيلي جيروۆ الەم چەمپيونى اتانعان بولاتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات