الماتىدا كوروناۆيرۋس جۇقتىرعان قانشا ناۋقاس ەمدەلىپ جاتىر
26-قازان كۇنگى اقپارات بويىنشا، ءبىر تاۋلىكتە قالادا 230 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن - 222، سيمپتومسىز - 8 ناۋقاس تىركەلدى. بارلىق ەمدەلىپ شىققاندار - 122، كەلىپ تۇسكەنى - 119 «ينفەكتسيالىق ستاتسيونارلاردا 1056 ادام بار (توسەك- ورىننىڭ جالپى سانى - 2334)، ونىڭ ىشىندە 28 بالا ەمدەلۋدە»، - دەپ ناقتىلادى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.
سونداي-اق، رەانيماتسيا جانە قارقىندى تەراپيا بولىمىندە 106 ادام جاتىر. ال 24 ناۋقاس جاساندى تىنىس الۋ اپپاراتىنا قوسىلعان. ينۆازيۆتى ەمەس جاساندى تىنىس الۋ اپپاراتىندا 47 ادام ەم قابىلداۋدى جالعاستىرۋدا. High flow-دا 27 اپپارات جۇمىس ىستەيدى. مەديتسينالىق- سانيتاريالىق العاشقى كومەك موبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 2 409 پاتسيەنت بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا - 2312 ناۋقاس. 97 ادامدا كوروناۆيرۋس بەلگىلەرى جوق.
اۆتور: الما مۇقانوۆا